ပြောရမယ်ဆိုရင် ခင်ဗျားကြိုက်သလိုဆုံးဖြတ်နိုင်တယ်

To talk without thinking is to shoot without aiming."
မစဉ်းစားမဆင်ခြင်ဘဲပြောတာ ပစ်မှတ်ကိုမချိန်ဘဲပစ်လိုက်တာနဲ့တူတယ်။ဟယ်လို...၀မ်း တူး သရီး .....Hello ! One Two Three.........................။အသံစမ်းနေပါသည်ဆို၍ ကျွန်တော့်အိပ်မက်များကို မြင်းစီးလွှတ်လိုက်ပါသည်။တကယ်ဆို သေသေချာချာဆန်းစစ်ကြည့်ရန်အရေးကြီးကြောင်း နှောင်းမှသိပါသည်

နောင်တ များရောက်လာကြပြီလားနေရာထိုင်ခင်းပေးရန် အခွင့်မသာသေးပါ

လက်တလော ကိစ္စများကို မြှောက်စားနေရသောကြောင့်ဖြစ်နိုင်ပေသည်။

ထိုရက်များသည် အထက်ပါ အတိုင်းဖြစ်သွားနိုင်ပေသည်။

   ကြက်ခြေခတ်တွေ့ တဲ့နေရာ တူးသာတူး
  သူရူးတွေဟာ မလိမ်ညာတတ်ဘူး မဟုတ်လားဗျာ
   ကြည့်..........သရဖူကို ဒဏ်ရာဒဏ်ချက်လို ဆောင်းလို့ 

လျှာ (Ph.D)

အရူးကွက်နင်းတယ်ဆိုတာ
ဘောင်းဘီလဲဝတ်တာက စတာပဲ
ဘောင်းဘီဝတ်မိုးတိမ်ဆိုတာ
ကဗျာတစ်လိုင်းရဖို့  ၇၀၀ ကျပ်နဲ့  လဲ/လည်းရတယ်
သိက္ခာဆိုတာ သိပ်ခါလွန်းမှ ကျတာ
နေတတ်ထိုင်တတ်ဖို့ 
စာအုပ်ထဲမှာရှာဖတ်ပြီး ဘ၀ထဲမှာကျက်ရတယ်

စိမ်းတဲ့ကဗျာ

စဖတ်ပြီဆိုတာနဲ့ 
စရေးတဲ့နေရာတန်းရောက်တော့တာပဲ
လို့ 
ထင်လို့ ရပါတယ်/ထင်တောင်မထင်မိဘူုးဟုတ်
တကယ်တော့
တကယ်တော့ဆိုတာ စကားဆက်ပြီးပြောတာ
သဒ္ဒါနည်းအရဆို သမ္ဗန္ဓ
သမ္ဗန္ဓ ဆိုတာ အနက်ပြန်ရင် စကားဆက်
ခုနက စကားကို ဆက်ပြီးပြောရရင်
စဖတ်ပြီဆိုတာနဲ့ 
ကျွန်တော်/ကျွန်တော့် ထောင်ချောက်ကို နင်းမိတော့တာပဲ
လေထဲမှာ ကားယားကြီး ၊ တကိုယ်လုံး
ကျွံ ကျသွားတယ်
ကျွန်တော်က / ကျွန်တော့်ကိုစောင့်ကြည့်ရမှာ/ကြပါ
မျက်မြင်သက်သေကို
ကြံရာပါ အဖြစ်ဆွဲထည့်လို့ 
ဒီ အမှုကိုဆက်လက်စစ်ဆေးရန်
အောက်တစ်လိုင်းသို့ ချိန်းလိုက်သည်။
ချိန်းထားရင်တောင် လွဲဦးမယ်
ဆိုတာလို
လွဲ အောင်လမ်းကြောင်း
(ပါဒကိုပြောင်းပြန်လှန်လိုက်)
လမ်းကြောင်းလွဲအောင်
မျဉ်း/မြင်း စောင်း/ဇောင်း တွေခံ/နဲ့ ခံ ပြီး
ဇောင်းပြေးနေတဲ့ မြင်းတွေလို အဓိပ္ပာယ်တွေလွတ်/လွတ်နေရင်း/ပြီး
ရှင်... နာမ်စားတွေပြောင်းနေ/ထားတာ ထည့်ပြောလေ
အဲသည်လို လေသံတွေပြောင်းပြီး
ကွင်းစ ကွင်းစ ၊ ကွင်းပိတ် ကွင်းပိတ်
(ကွင်းစ၊ ကွင်းပိတ်)တွေ ထည့်ထားတော့
ဖတ်တဲ့ဟာ ခက်ခဲတယ်၊ ခက်တဲ့ဟာ ဖတ်ခဲတယ်ဆိုပြီး
ကျော်/ဖတ်ကြည့်လိုက်တော့
တခန်းရပ်ကို အခန်းဆက်သလို
အခန်းဆက်ကို တစ်ခန်းရပ်သလို
ပုဒ်မ နှစ်ချောင်းချလို့  ။                                 
--
                                                  

                                                                                                                                                    

                                                        သုဏော်စိုင်း

မွေးနေ့ လက်ဆောင်ရတဲ့ကဗျာ

ဟေ့ကဗျာဆရာ
မတွေ့ တာကြာပြီ နေလို့ မှကောင်းရဲ့လား
လာဗျာ
လဘက်ရည်ဆိုင်ထိုင်ရင်း
စကားပြောကြရအောင်---------
ကျွန်တော်လားးး
လဘက်ရည် ချိုပေ့ါကျလေးသောက်မယ်
ခင်ဗျားဘာမှာ မှာလည်း
လုပ်လေဗျာ
မှာပါဗျာ ခင်ဗျားဘိုင်ပြတ်နေသလား
ကျတော့်မှာ ပါပါတယ် ဗျ-----
ဟေ့စားပွဲထိုး ညီလေးရေ
ဒူးယားဖင်ကျွတ်တပွဲနဲ့ ဂျက်ကမ္ဘာ တပွဲအရင်ပေးကွဲ့  ။ ။
နေပါဦးဗျ ကဗျာဆရာရဲ့
မြစ်လိုစီးဆင်းချင်ရင်
ရေချမ်းစင်လို ရပ်နေလို့ မရဘူးဗျ
အပြုံး စစ်စစ်က
လောဘ ဒေါသ မောဟ များနေတဲ့ကမ္ဘာကြီးက
လူသားစစ်စစ် ဆိုတဲ့သူတွေကို
ပေးခဲ့ရလို့ မရှိတော့ဘူး
စ်ိတ်မကောင်းဘူးဗျာ----
နောက်ဆုံးလက်ကျန်တခု
ချန်ထားရသေးတယ်ဗျ
ကျွန်တော်ချစ်တဲ့ ချစ်သူကိုပေးဘို့ လေ
ချစ်သူကို
ဟန်ဆောင်အပြုံး နဲ့ 
နှလုံးသားအတု မပေးချင်ခဲ့လို့ ပါဗျာ---------
ပို့ စ်မော်ဒန် ဂမ္ဘီရမော်ဒန်တွေ ထားလိုက်ဗျာ
ဖျားနာနေတဲ့ကမ္ဘာ ကြီးကို
ကျွန်တော်တို့ ချစ်တဲ့ကဗျာတွေနဲ့ 
ဆေးကုလို့  ရနိုင်ပါ့မလား
ဆေးကုလို့  မှီနိုင်ပါဦးမလား
အသက်ဆက်ခိုင်းလို့ ဖြစ်နိုင်ပါ့မလား
ခင်ဗျား
စဉ်းစား
စဉ်းစား စဉ်းစား စဉ်းစားးးးးးးးးးးးးးးးးးးးးးး
------
-----------
---------------
-------------------
ဟေ့လူကဗျာဆရာ
စကားလည်းမပြောပါလားဗျ
ခင်ဗျား ဘာဖြစ်နေလည်း
သွားတော့မယ်ဗျာ
လိမ်လိမ်မာမာနေပေါ့
ကျွန်တော်ကတော့
ဗမာပြည်ကြီး ငြိမ်းချမ်းဘို့ အတွက်
မိုက်လိုက်ဦးမယ်ဗျာ
လမ်းတွေ့ ရင်လည်းခေါ်ပေါ့
အဲအခါကျရင်
ဖြစ်တည်မှုပဓါန ၀ါဒ နဲံ့
ဘာမြူဒါ တြိဂံ အကြောင်း
မက်ဒေါနားအကနဲ့ သက်မွန်မြင့်အလှအကြောင်း
(ဘာမှမတတ်တဲ့ ကျွန်တော့်ကို )
ကဗျာကောင်းကောင်း ရေးနည်းအကြောင်း
ခင်ဗျားပြောပြရမယ်နော်---
ပြီးတော့
ဗော်လဂါနဲ့ ဂျုစု မတိုက်နိုင်တောင်မှ
ရှမ်းအရက်ကောင်းကောင်းတိုက်လို့  ဆတ်သားချောက်ဖုတ်
နဲ့ မြည်း မယ်နော်---
ဒုခရောက်နေတဲ့ ဗမာပြည်သူတွေ အကြောင်း
မပြောချင်လည်းနေဗျာ
ခင်ဗျားနောက်ဖေးအိမ်က
ဂျနီဖာ လိုပက်ဆိုတဲ့ကောင်မလေးအကြောင်းတော့
ပြောဖြစ်အောင်ပြောဗှာ-----
သွားပြီဗျိုးးးးးးးးးးးးးးးးးးး
အစစ အရာရာ
အဆင်ပြေပါစေ ကဗျာဆရာ---------------------

ကိုတိုးကြီး ( မာတီဘိုးဘိုးကြီး )

မှုန်ပြာရီညိုပတ်ပျိုး

တိမ်ပြိုတောအုပ်ရဲ့အဆုံးမှာ
အလင်းပွင့်ခက် ဖြာဖြာနဲ့ 
ရနံ့ တွေသာသာယာယာရှိခဲ့ပေမဲ့
နှင်းတွေ မလာသေးပါဘူး။

မောင်သိန်းဇော်ရဲ့ကဗျာထဲကလို
နတ်သမီးတပါးအပြုံးကြောင့်
သူ့ ခမျာ ခါးကုန်းနေရ ရှာတဲ့ သက်တံ့ကြီးရေ
ကျွန်တော့် အလွမ်းတွေထမ်းပိုးထားရရင် အားနာပါတယ်။

ခုလိုပေါ့
နေပြိုင်၊ လပြိုင် အချိန်မျိုးမှာ
လက်ဆစ်တွေကို တဖြောက်ဖြောက်ချိုး
သီချင်းတစ်ပုဒ်ကို ညှိးညှိးညည်းရင်း
ဝေးကွာခြင်းရဲ့ အပြုအမူကို
ရင်အုံထဲက ဆွဲထုတ်
ကဗျာတစ်ပုဒ်အဖြစ်အသက်သွင်း
သက်ပြင်းများကို ဖွဖွလျော့
လေ၀ဲ အနမ်းများကိုတော့ Pause လုပ်ထားတယ်ပေါ့။

ညတွေဟာ ကျွန်တော့်လိုမှောင်ပြီး
လတွေဟာ ကျွန်တော့်ကို နင်းသွား
ခင်ဗျားစကိုက်ခဲ့တဲ့ အသီးဟာ
ဒီလို အရသာမျိုးလား   အာဒံ
ထားပါဗျာ
ခင်ဗျားလွမ်းဖူးမှာ မဟုတ်ပါဘူး
ဒီမှာတော့
စိတ်ကူးနောက်ကို အရူးလိုလိုက်လို့ 
မီးကိုလှမ်းခေါ်ပြီး အခိုးအငွေ့ တွေကြားကို တိုးလို့ 
ဘာကိုမှ အာရုံစူးစိုက်လို့ မရတော့ဘူး။

အသွင်အပြင်ဆန်းနဲ့ လူလွတ်တပိုင်းအတွက်
မုတ်သုန်လေရဲ့ ဆုတ်ခွာချက်က
နူးညံ့ပက်စက်လွန်းပြီး
သံယောဇဉ်မှန်စာတပ်
ပန်းနုရောင် စွန်တစ်ချပ်ဟာ
လေတိုက်လိုက် ပါသွားလိုက်။

တံခါးတွေက ငါ့ ကိုခေါက်တော့
အရိပ်တွေကို ကြောက်လာတယ်
နောက်ကျနေပါပြီ ၊ ကျော်လွန်နေပါပြီ
မလျှော်ဖြစ်ခဲ့တဲ့ အ၀တ်တွေကြောင့်
မဖော်ဖြစ်ခဲ့တဲ့ဆေးဟာ  ခါးသက်လွန်းနေရဲ့။

သွေးကြောထင်ယှက်
နုထွေးတဲ့ ပါးပြင်ထက်သို့ 
ကျွန်တော်ဘယ်လိုလှော်ခတ်ရမလဲ
ချာတိတ်တစ်ယောက်စာ ပင့်သက်တဖိုနဲ့ 
ဘယ်ဘက်ရင်အုံ လင်းချိုဖို့ 
တယောတလက်က ထမ်းပိုးထားမဲ့
ဂီတသံထဲမှာပဲ
ကျွန်တော့်ကို ညီမျှခြင်းချပေးပါ
ကွေကွင်းရခြင်းဆိုတဲ့ ဝေါဟာရထက်
ဒီရက်တွေ ပို မဝေးတော့ပါဘူး။         ။

သုဏော်စိုင်း

ဒြပ်မဲ့များ

ကျေးဇူးပြုပြီး သင်၏အသံတွေကိုတစ်လမ်းမောင်းပါ
ဂ ငယ်ကွေ့ များ တွေ့ မိပါသလား
ရှေ့အ၀ိုင်းကျော်လျှင်ခဏရပ်
မြောက်လေတိုက်လာပြီ
ကျေးဇူးပြု ပြီးထပ်ရွတ်ပါ
အရက်ခွက် ကိုလွန်မှ မီးပွိုင့်များထွက်ကျလာသည်။
စကားများသည်။ စကားများသည် စသည်နှင့် ကားထွက်လာပြီး ပေါများလာခဲ့သည်။
ကဗျာနှင့်ကဗျာ
အသာ အယာပင် မှားယွင်း ခဲ့ကြသည်
ဟု
ထင်ရသည်။
လေယူ လေသိမ်းမှန်စွာ ဆက်လျှောက်ပါ
အတိုး အဝှေ့ များသည်လည်းကောင်း
အချိုးအကွေ့ များသည်လည်းကောင်း
တွန်းတွန်းတိုက်တိုက်ပင် တွန်းတိုက်ထွက်လာ/သွားပြန်၏
အသံကိုအသံကဆွဲဆောင်နေသည်
မရှိဝမ်းစာ ရှိတန်ဆာနဲ့  လောကကြီးက အီကွေးရှင်း မညီမျှဘူး
ကြက်ဟင်းခါးသီး ဘယ်လောက်ခါးခါး
ဒညင်းသီး လို အနံမထွက်ဘူး
လေဟာပြင်တစ်ခု ဘွားခနဲပေါ်လာ၏
 ကျေးဇူးပြုပြီးလွင့်မျောပါ
 ဒြပ်မဲ့များ၏ရှိယောင်ယောင် ဟန်ဆောင်မှုများသည် ဟန်ဆောင်ကောင်းစွာပင်
ဒြပ်မဲ့နေ ကြသည်
ကဗျာဆရာဆိုတာ ဘ၀စာရွက်တွေပေါ် အနုပညာအလင်းရောင်ဖြင့် နှလုံးသား ဓာတ်ပုံရိုက်ကြသူများဖြစ်တယ်
အချစ်ဟာ စစ်လွန်းတော့ ဦးနှောက် က B E သောက်ရတယ်
ကျေးဇူးပြု သင်၏သံကို မှန်ထောင်ကြည့်ပါ
ကျေးဇူးပြုများ များပြားခြင်းကို ကျွန်ုပ် တို့ ဘက်မှ ဘာမှမတတ်နိုင်ခဲ့ပါ
မတတ်သင့်တဲ့ဘောင်က သူကိုယ်တိုင်ရဲ့ တတ်သင့်တဲ့ဘောင်ဖြစ်တယ်
အဆုံးသတ်ပိုင်းသို့ နီးကပ်လာလေလေ
ကဗျာငှက်တို့၏ တောင်ပံခက်သံ
မွှေးပျံ့ စွာ ဖြင့်
လေအဟုန် မှာသင်းပျံနေလေသည်။

 

 

 

 

သုဏော်စိုင်း၊ ဒီမွန်း၊ အနော်မာ

ဝါး

သူ့ ဇာတိက ရွာစုရွာဝိုင်း
သေပန်းပွင့်တတ်တဲ့ မျိုးရိုး
ငယ်ငယ်တုန်းက စားဖော်စားဖက်
ကြီးတဲ့အခါ အိပ်ဖော်အိပ်ဖက်
သီချင်းဆိုတဲ့အခါ ငြိမ့်စီးတဲ့ သူ့ အသံ
သူ့ အနုပညာက ပန်တျာကျောင်းရဲ့ ဝင်ပေါက်
အပိုင်းပိုင်းတစ် ပြတ်
အချော ပြန်သပ်ထားတဲ့ ဘ၀နဲ့ 
စားသောက်ဆိုင်တစ်ချို့ မှာ
သူကျွေးတာ စားပြီးရင်
ခင်ဗျားပါးစပ်ထဲကဟာ သူရှင်းပေးလိမ့်မယ်
မြို့ ပြကို ပြောင်းရွှေ့ လာတော့
ပခုံးပေါ်ထမ်းပြီး တလမ်းဝင် တလမ်းထွက်
သူရဲ့ အိမ်နေရင်း အနေအထားက
ဝရံတာ မှာ အ၀တ်တွေနဲ့  လုံးလားထွေးလား
ခေါင်မိုးတွေပေါ်က
လိုင်းဖမ်းသမား။ ။

ညနေ၊ ညနေဆီမှာလေ...

ကင်းဝန်မင်းကြီးတို့ ကပြောတော့
ဒီနာရီဟာ ညီအစ်ကိုချင်းတောင်
မမှတ်မိတော့ဘူးတဲ့...။
တတောက်တောက်ကျနေတဲ့အပျော်တွေကို
လျှာနဲ့ လျက်ကြဖို့ ထွက်ခဲ့ကြတဲ့အခါ
ဘီယာဆိုင်ဟာ အမြည်းမှာထားရင်း
ပြဲနေပြီ...။
ဘေ့စ် ဂစ်တာတီးတဲ့ ပုရွတ်ဆိတ်တကောင်အကြောင်း
မျက်ရည်နဲ့ သွေးကိုမှင်ဖြစ်စေတာ
ကဗျာဖြစ်တဲ့အကြောင်း
ဗိုက်ပူကြီးပေါ်မှောက်အိပ်ရင်း ဟန်းဖုန်းတစ်လုံးကောက်ရတဲ့
ကြေးကြီးတဲ့မိန်းမ(ပြို) တွေအကြောင်း
ကျုံးသွင်းခံထားရတဲ့
လွတ်လပ်မှုတွေအကြောင်း
မော့သောက်ခဲ့ကြပြီး
လမ်းဘေးဆိုင်မှာ ၀မ်းတထွာဖြည့်ခဲ့ကြတယ်...။
ချွဲပစ်လာတဲ့ ခံတွင်းအတွက်
ဆေးလိပ်တစ်လိပ်ကိုတစ်ယောက်တစ်ဝက်သောက်ခဲ့ကြ
ပလက်ဖောင်းဆီဝင်လည်ခဲ့ကြပြီး
ကိုယ့်အသိုက်ကိုယ်ပြန်ဖို့ 
လမ်းခွဲကြတဲ့အခါ
ခုတလောနာမည်ကြီးနေတဲ့ အဆိုတော်"မီးစက်"
သူ့ သီချင်းသံတောင်ရပ်သွားပြီ...။

ရန်ကုန်

ကျွန်တော်ရောက်ရှိနေတဲ့အရပ်က
မြို့ တော်က သူ့ ကို စွန့် ခွာသွားတဲ့
နေရာပေ့ါ...။
ငယ်နာမည် 'ဒဂုံ' ဆိုတဲ့ နေရာလေးဟာ
မိုးကုန်ရင် မီးကုန်တဲ့အထာနဲ့ 
မီးစက်သံလို ရွတ်တတ်တဲ့
Rapping တွေနဲ့ 
တခွေထုတ်ဆေးထိုးအပ်တစ်ချို့ လည်းရှိရဲ့
ကလေးမတွေလည်း
ဖြောင့်ချည်တစ်ခါ ၊ တွန့် ချည်တစ်လှည့်
ကြေငြာလို ဖော်ကာပြတဲ့
ကြေငြာကြောင့်
ဒူးပေါ် ပေါင်ပေါ် မနေနဲ့ ဆိုတဲ့ ဆုံးမစကားရဲ့
ခေါင်းချရာ အရပ်ပေါ့။
ညကပွဲ ဘယ်လိုလဲ
ဒါမှ မဟုတ်လည်း
ဒီမနက် ဘာကောင်းလဲ
ဒါဆို လက်ဘက်ရည်ဆိုင်တွေ ဖွင့်လို့ ရပြီ
အလုံးလေးတွေ အကြောင်းကို
တနေကုန်ဆွေးနွေး
သန်းတွေလို ရွစိပွတတ်နေတဲ့
C.N.G ဘတ်စ်တွေနဲ့ 
သွေးလွတ်ကြောတွေ၊ သွေးပြန်ကြောတွေလို
ကတ္တရာလမ်းတွေ
ဖိုထဲက ထွက်လာတဲ့နံပြားလို
တိုက်ကြီးတာကြီးတွေ
တိုက်ကြီးတာကြီးတွေနဲ့ အတူ
အရောင်းခန်းမတွေ၊ ပလာဇာတွေ
အရောင်းခန်းမတွေ၊ ပလာဇာတွေနဲ့ အတူ
လူသွားပလက်ဖောင်းပေါ်က
လူသုံးကုန် အရောင်းဆိုင်လေးတွေ
လူသုံးကုန် အရောင်းဆိုင်လေးတွေနဲ့ အတူ
လူလုံးကို ပြရောင်းတာလေးတွေ
လူလုံးကို ပြရောင်းတာလေးတွေနဲ့ အတူ
သီချင်းလည်းဆိုပြ၊ နမ်းလို့ လည်းရတဲ့ နေရာတွေ
နမ်းလို့ ပျက်သွားတဲ့ နှုတ်ခမ်းနီဖိုး
ပန်းကုံးတွေ
ပန်းကုံးတွေ စွပ်ဖို့  ရဲဆေးတင်လို့ ရတဲ့
ဘီယာဆိုင်တွေ
ဘီယာဗိုက်ကို ခလုတ်တိုက်တော့
ဖုံးတွေ၊ ကားတွေ ကောက်ရတယ်ဆိုတဲ့
သူများအလုပ်ပြန်ချိန်မှာ  သူတို့ အလုပ်ဆင်းရတဲ့
ပထွေးနှိပ်စက်လို့ ပါဆိုတာလေးတွေ
မြို့ မှာ ရဖို့ မလွယ်တဲ့ ထန်းရည်စစ်စစ်လို
တောမှာ ရဖို့ မလွယ်တဲ့ အပန်းဖြေစစ်စစ်တွေပေါ့
မမိုက်ဘူးလား
မိုက်တာတော့ ပြောမနေနဲ့ 
အဖော်မပါရင် မသွားရဲဘူး
ပြဲနေတဲ့ ဘောင်းဘီနဲ့ 
ရွဲနေတဲ့ မျက်လုံးနဲ့ 
တနေကုန်လက်ဘက်ရည်ဆိုင်ထိုင်ပြီး
ညောင်းလို့  အနှိပ်ခန်းသွားတဲ့သူနဲ့ 
ခြေဆန့် လက်ဆန့်  ကလပ်တတ်သူနဲ့ 
အိမ်စောစောပြန်တယ်ဆိုတာ
ပဲပြုတ်သည်မလာခင်ကိုပြောတာ
တောင်းထဲက ပဲပြုတ်တွေလို
ပေါများလှတဲ့ သင်တန်းတွေ
စကားပြောလား သွားသင်လိုက်
စာရင်းကိုင်လား သွားသင်လိုက်
ကွန်ပျုတာ ၊ အင်တာနက် သွားသင်လိုက်
ပန်းအလှပြင်တာလား သွားသင်လိုက်
လူအလှပြင်တာလား သွားသင်လိုက်
ကားမောင်းစက်ပြင် သွားသင်လိုက်
သီချင်းဆိုမလား သရုပ်ဆောင်မလား
သွားသင်လိုက်
သွားသင်လိုက်ပါ တတ်ထားတော့ကောင်းတာပေါ့
ပျက်တာတွေပဲ လျှောက်ပြောတော့ ဖောင်းတာပေါ့
မော်လမြိုင် အစား၊ မန္တလေးစကား
ရန်ကုန် အကြွားတဲ့
ကြွားစရာဆိုလို့  ဘုရားရွှေတိဂုံ
တောင်မှ ကလုန်းပွားခံထားရတော့
ချိုးဖြူငှက်ရဲ့လှောင်ချိုင့်ဖြစ်ရတာပဲ
ရင်ကော့ပြောလိုက်ပေါ့
မြို့ကောကြီးရယ်. . . ။

အကြောင်းကြားစာ

လာရောက်လည်ပတ်ကြတဲ့ သူငယ်ချင်းများအားလုံး ကိုအကြောင်းကြားပါတယ်...ကျွန်တော့် ဘလော့ဂ်လိပ်စာ
http://thuunawsai.blogspot.com  အဖြစ်ပြန်ပြောင်းထားပါတယ်...အရင် သုံးနေတဲ့ www.thuunawsai.co.cc နဲ့ ချိတ်ထားသူတွေကို လိပ်စာပြောင်းချိတ်ပေးပါလို့ပြောပါရစေဗျာ...ခုရက်ပိုင်းမှာတော့ ကျွန်တော်တို့ သူငယ်ချင်းတွေ စုစည်းတည်ထောင်ထားတဲ့ ငါးသုံး မှာ
အလုပ်နည်းနည်း ရှုပ်နေလု့ိ မရောက်ဖြစ်တာကိုလည်းတောင်းပန်ပါတယ်...ပျော်ရွှင်သော ၀ါကျွတ်ကာလ
ဖြစ်ကြပါစေ....

တံတားထိုးထား/ကျိုးသွားတဲ့နေ့ တွေ

အရပ်သုံးဘာသာစကားဖြင့်  မျက်ရည်   (            ) စီစီ ထုထည်ကို ဖော်ပြခြင်းငှာ မစွမ်းသာသောကြောင့်  မစွမ်းသာသော  ဖော်ပြခြင်းအဖြစ် ထုထည် (        ) စီစီ ရှိ မျက်ရည်ဖြင့်  အရပ်သုံးဘာသာစကားတွင်  ၀င်ရောက်နေထိုင်ရင်း ၊ နေရင်း ၊ ထိုင်ရင်း  ဘေးတိုက်ကျလာတဲ့နေ့ တွေ အကြောင်း/ကြောင့်
ဘေးထိုင် ဘုပြောခြင်း/ခံရခြင်း နှင့်အတူ  အားစိုက်ထုတ်မှုချွေးစက်တွေကို  ယပ်ခပ်ပေးနေရတာ/ ရလို့  နေသာထိုင်သာ  သော်လည်း  လစ်တမတ်စက္ကူလို  အရောင်ပြောင်းသီအိုရီ မရှိလို့   ကိုအမည်မဲ့ရဲ့  ကဗျာတစ်ပုဒ်လို  ဘာလိုလို  ညာလိုလို  လိုလိုနေတဲ့ ဆင်ခြေဖုန်းဆန်လာတဲ့  လူ အဖြစ်နဲ့  ဒီနေ့ ပေါ်ထိုင်
ကြည့်တော့  မနက်ဖြန်ဆိုတာလည်း   မနေ့ ကနဲ့ တူသလိုလို  ဆိုပေမဲ့  ပစ်ဖဲတိုင်းဟာ ပိုဖဲ  မဟုတ်ဘူးဆိုတော့  တာဝန်ဝတ္တရားလို ၊ အာသီသလို ၊ လက်ခေါက်မှုတ်သံလို   လိုအပ်ချက်များကို  ဖြည့်စွက်ရန်    သင်၏ အိမ်မက်များကို  ကျွန်ုပ် ၏ အတွေး ဖြင့် သားဖေါက်ရန် လို/ မလို

ဂျွန်လ၏ မိုးရေစက်များ

ဒီတစ်အုပ်ကတော့ ဖတ်ရတာ ပိုအဆင်ပြေပါလိမ့်မယ်...။ ကျွန်တော် ပြုလုပ်ထားတဲ့ .pdf မဟုတ်လို့ ပါပဲ။
ကျွန်တော်ဒေါင်းလုပ်ဆွဲထားတာ ကို ပြန်မျှဝေပေးတာပါ..။ ၁၉၇၀ နောက်ပိုင်း ခေတ်ပေါ်ကဗျာကို စတင်
ဖွင့်လှစ်ကြတဲ့ စာအုပ်တစ်အုပ်ပါပဲ...။ တေးရေးဆရာ သုခမိန်လှိုင် ရဲ့သိဒ္ဓတ္ထလှိုင်ဆိုတဲ့နာမည်နဲ့ ရေးထား
တဲ့ငယ်လက်ရာပဲ  ဖြစ်ပါတယ်....။ ကျွန်တော်တို့ လို ကဗျာကို နှစ်သက်သူတွေ အတွက်တော့ သဘောကျ
စရာပေါ့ဗျာ..။ကူးယူဖို့ နေရာတော့ ဒီမှာ   ပါခင်ဗျား ....

ဇေယျာလင်း (၂၀၀၇ ) ကဗျာစာအုပ်

ဒီတစ်ခါမှာတော့ ကျွန်တော် သူငယ်ချင်းများကို ဆရာဇေယျာလင်းရဲ့ ၂၀၀၇ ဆိုတဲ့ ကဗျာစာအုပ်လေး
ဖြန့် ဝေပေးချင်ပါတယ်...။  ဆရာဇေယျာလင်း ဟာ L P ကဗျာများကို အစဉ်တစိုက်ရေးဖွဲ့ နေသူလည်း
ဖြစ်ပါတယ်... ။ ဖတ်ရတာ အဆင်မပြေဖြစ်တယ်ဆိုရင်     ကျွန်တော် .pdf ဖိုင် ပြုလုပ်ခြင်းကို သိပ် မကျွမ်းကျင်တဲ့အတွက် တောင်းပန်ပါတယ်...။ မျှဝေချင်တဲ့ ဆန္ဒလေးနဲ့ သာ ဖြစ်အောင် ပြုလုပ်ရခြင်း
ဖြစ်ပါတယ်... ။ လိုအပ်တာလေးများကိုလည်းညွန်ပြပေးစေချင်ပါတယ်..။  ကျွန်တော့် ဆီမှာ ရှိတဲ့ တခြား
စာအုပ်များ ကိုလည်း ထပ်ပြီးတော့ မျှဝေပေးပါဦးမယ်...။

အမှာစာ

၂၀၀၇ ခုနှစ်မှာ ရေးခဲ့တဲ့ကဗျာတွေ တနှစ်တာ အတွက် စုစည်းခြင်းပဲဖြစ်ပါတယ်။

ကဗျာလမ်းကြောင်းကိုလည်း ပြန်စစ်လို့ ရအောင်ပါ။

ကဗျာအပေါ် အဓိက ထားရှိတဲ့ခင်မင်မှု ကိုလည်းကြောင်းလမ်းလိုက်တာ ဖြစ်ပါတယ်။

တချို့ကဗျာတွေက ကြောင်ကြောင်ကျားကျား၊တချို့ကဗျာတွေက ကြောင်လက်သည်းဝှက်။                   ဒီစာအုပ်လေးကတော့ ကြောင်လိမ်လှေကားတစ်မျိုးပေါ့။

ဇေယျာလင်း

ဆရာဇေယျာလင်းရဲ့အမှာစာလေးကို မြည်းစမ်းကြည့်ရင်း ကဗျာစာအုပ်လေးကို ဒီမှာ ကူးယူပါ....။ 

 

တစ်ခုခုကိုပြောလိုက်ဖို့  ပါးစပ်တပြင်ပြင်

မြင်နေရတဲ့ဟာက
အဖြူပေါ်မှာ အပြာကြောင်းများနဲ့ 
သူ့ ကိုယ်သူ ဗလာစာရွက်တဲ့
ဟုတ်တယ်.....
ဗြောင်လိမ်တာပ
ကော့ကော့ ကော့ကော့နဲ့ 
ဘောပင်က ဖြတ်ပြေး
စာလုံးလေးတွေထင်ကျန်ခဲ့တယ်
ဟောသည်လို
စကားလုံးတွေကို ခင်းကျင်းပြသထားမယ်
ခံစားချက်ကို ရိုးတိုးရိပ်တိတ် ဖွက်ထားမယ်
ထင်နေတယ်မဟုတ်လား
ကျွန်တော့်ဘောပင်မှာသုံးတဲ့အရာက
ကျွန်တော့်စက်ရုံကထုတ်လုပ်လိုက်တဲ့အရာပါ
ဟေ့ ....မင်းသုံးတာ မှင်ကွ၊ မှင်
မှင်၊ မှင်
မှင်သက်ပြီးကျန်ရစ်တယ်
အငိုက်မိသွားတယ်
အလစ်မှာချောင်းရိုက်တယ်
အားမတန်လို့့ချောင်းရိုက်တာပေါ့
အားသန်ရင်မြစ်ရိုက်မှာပေါ့
ဒီလိုကိစ္စမျိုးရှိလား
တရုတ်ပြည်မှာ မြစ်ဖျားခံလားတဲ့
သံလွင်မြစ်
မထင်မရှားရှိတဲ့ စစ်တောင်းမြစ်
မြစ်ဖြစ်ရဲ့သားနဲ့  ပင်လယ်ဆ်ီမရောက်တဲ့
ချင်းတွင်းမြစ်
တနံတလျား စီးဆင်းသွားတဲ့ ဧရာဝတီမြစ်
ကြီးကျယ်ပုံက ကုန်းမြေတောင်သူ့ နာမည်နဲ့ 
တခမ်းတနား တေးဆိုစာဖွဲ့ ကြတဲ့
ဧရာဝတီလည်း
နည်းနည်းကျဉ်းတာနဲ့  တံတားထိုးခံရတာပဲ
ခင်ဗျားတို့ ရဲ့ဆည်တွေအတွက်
ချင်းတွင်းရဲ့ရေကို ပေးခဲ့တာပါတဲ့
ကျွန်တော် ဒီလိုထင်ပါတယ်
အထင်နဲ့ စွတ်မပြောနဲ့ ကွ
မင်းဟာ ပြဿနာ အကြောင်းကဗျာရေးပြီး
ပြဿနာရှာတဲ့ကောင်ပဲ
သူ့ ကိုမီးခွက် မပေးနဲ့ ဟေ့၊ မီးခွက်
ပွတ်လိုက်ရင် ဘီလူးထွက်လာတဲ့ဟာလား
ကျောက်ရုပ်လိုခေတ္တငြိမ်သက်
ကိုက်လာတဲ့ခြင်ကို လက်နဲ့ ယပ်
ဆေးလိပ်ဖွာ ၊ ကွမ်းဝါး
ဝါးပြီး အရည်တွေထွေးထုတ်
ပြီးရင် အဖတ်ပါထွေးထုတ်
အရည်မရ၊ အဖတ်မရ
အဖတ်လုပ်ပြီး အရေးမပေးရင်
အတွေးတွေ ဘယ်သူသိမလဲ....

ညနက်ထဲမှာ မိုးမချုပ်ကြသူများ

ဘယ်ပြက္ခဒိန်နဲ့ ပဲကြည့်ကြည့်
အသစ်၊ အဆန်းပြားနဲ့ 
အချစ်၊ အလွမ်းများသာ
သူတို့ ကိုးကွယ်ကြလိမ့်မယ်
လက်ဘက်ရည်ခွက်ထဲ
သူတို့ နာရီတွေကို ပစ်ထည့်ကြ၊
ဘီယာမြုပ်တွေပေါက်သလို
တဖြောင်းဖြောင်းနဲ့ ရီမောကြ၊
ဖုံးပြောတာညနက်ပေမဲ့
ဂတုံးဟောတာနားထက်ဆင်ကြတာပဲ
သူတို့ ဆံပင်တွေကောက်လိုက်၊ ဖြောင့်လိုက်
ဖြစ်တာကလွဲလို့ 
မှုတ်ထုတ်လိုက်တဲ့ဆေးလိပ်ငွေ့ ကိုကြည့်င်္ပြီး
ပေါ့ပျက်ပျက်နဲ့ လို့ 
တရားမပြကြနဲ့ 
ခလုတ်တိုက်ရင် ခဲကိုဆဲမယ်၊
မပြောရဲရင်တောင် မျက်ဝန်းနက်ထောင့်ကပ်
မျက်စောင်းတစ်ချက်တော့ ၀င့်လိုက်မယ်၊
သူတို့ ခေတ်တုံးကကျ
ထမီကို သလုံးသားတ၀က်ဖော်ဝတ်ပြီးတော့
စိတ်ထဲဒီလို ငေါ့လိုက်မယ်
အပေါက်တွေဖောက်ပြီး နားကပ်ပန်ပေမဲ့
မနက်ဖြန်တွေဟာလန်ထွက်နေတာပဲ
သူတို့ မျက်မှန်ကိုယူတပ်ပြီး
ဆေးကြောပေးလိုက်ပါ
နေ၀င်ချိန်ဆိုတာလည်း တိမ်မတောက်တဲ့နေ့ ဆို
အရိပ်မည်းရှည်ကိုပဲ မြင်ကြမှာပဲ
လေထဲက ကွန်ဒိုကို
နာရီထဲမှာ ဖောင်ဒေးရှင်းချကြတာ
ရေခဲတုံးကို အရုပ်ထုတာထက်တော့သာပါတယ်။ ။

သုဏော်စိုင်း

အရုပ်ထင်သွားသောဆေးစက်များ

ကိုယ့်အကြောင်းကိုယ်
ကပေါက်ချာတွေး
ကဗျာတစ်ပုဒ်ရေးတယ်။

ခင်မင်မှုနဲ့  ချစ်ခြင်းကို
ခဏ ခဏ
ချော်လဲ ရောထိုင်လုပ်တယ်။

ဂဃနဏ မသိပဲနဲ့ 
ဂျောင်ထဲ သွားပြီး
ဂျင်ပေါက်တယ်။

ငါးပွက်ရာ ငါကိုယ်တိုင်
ငါးစာချ ခံ ရလို့ 
ငိုကြွေးရတယ်။

စာမေးပွဲခန်းထဲ
စိမ်ပြေနပြေ
စာခိုးချတယ်။

ဆုံးမတာကို နားမထောင်
ဆင်သေကို
ဆိတ်သားရေနဲ့ ဖုံးတယ်။

ဇိမ်ခံချင်လို့ 
ဇီးပင်အောက်မှာ
ဇယ်တောက်တယ်။

ဈေးသည်တစ်ယောက်ရဲ့ 
စ်ာပန ကုိ
ဈေးဝယ်မိလို့  လိုက်ပို့ ရတယ်။

ညအခါ
ညောင်းလွန်းလို့ 
ညောင်ပင်အောက်မှာသွားထိုင်တယ်။

တနင်္ဂနွေ နေ့ မှာ
တိမ်တောက်တာကိုကြည့်ပြီး
တောင်တောင်အီအီ စဉ်းစားတယ်။

ထင်ပေါ်ချင်လို့ 
ထမင်းစားခါနီး
ထိုင် ထ လုပ်တယ်။

ဒုက္ခနဲ့ စာရင်းရှင်းဖို့ 
ဒီတစ်နေ့ လုံး
ဒါးသွေးတယ်။

ဓနိမိုး ထရံကာအိမ်ထဲ
ဓနိရည်သောက်ပြီး
ဓမ္မဒိဋ္ဌာန် ဖြေတယ်။

နေ့ ခင်းကြောင်တောင်
နံဘေးကကောင်ကို
နားရင်းအုပ်တယ်။

ပက်လက်လှန်ပြီး
ပိတ်ထားသမျှဖွင့်ထုတ်
ပေါက်တက်ကရတွေးတယ်။

ဖာတောင်းထဲ
ဖားတစ်ကောင်ထည့်
ဖင်ခုထိုင်တယ်။

ဗလကြီးအောင်
ဗမာ့နည်း ဗမာ့ဟန်နဲ့ 
ဗာဒံသီးထုစားတယ်။

ဘယ်သူ့ မှမခေါ်ပဲ
ဘုရားခန်းထဲ
ဘူကြီးပွတ်တယ်။

မျှော်လင့်ချက်များစွာနဲ့ 
မင်းအကြောင်းကို
မနက်အထိတွေးတယ်။

ယောက်ဖရှေ့ မှာ
ယင်ကောင်ကို
ယောင်းမနဲ့ ရိုက်တယ်။

ရန်ပွဲကို
ရဲမလာခင်ထိ
ရပ်ကြည့်တယ်။

လသာတဲ့ အချိန်
လှံတစ်ချောင်းကို
လှမ်းတွေ့ တယ်။

ဝက်တစ်ကောင်ကို
ဝ လာမလားလို့ 
ဝမ်းနှုတ်ဆေးတိုက်တယ်။

သူတစ်ပါးအကြောင်း
သိပ်မသိဘဲ
သောက်တင်းပြောတယ်။

ဟောင်းနွမ်းနေတဲ့
ဟာသတစ်ပုဒ်ကို
ဟင်းချက်စားတယ်။

အဆုံးထိဖတ်တဲ့ 
အသင့်အား
အားနာမိတယ်။

သုဏော်စိုင်း

မှတ်ပုံတင်မိတ္တူ

ကဗျာကို ဖက်တွယ်မိသူတစ်ယောက်ရဲ့ 
စံတော်ချိန်ဟာ
ထန်းတစ်ဖျားရောက်နေပါပြီ...။

ဒါဟာ
ပျောက်ဆုံးသွားတဲ့  ဆောင်းရာသီထံမှ
သူရလိုက်တဲ့ 
လက်ဆောင်လည်းဖြစ်ရဲ့ ။

နှလုံးသားရဲ့ 
အတွေးအခေါ်ကို
ဦးဏှောက်နဲ့  ခံစားပါ။

သူ့ အရောင်ခုနှစ်မျိုးကို
သူမေ့ပြီး
အဖြူရောင်ပါဆိုသူတွေ အတွက်
သုဏော်စိုင်းဟာ
မည်းနက်နေပါလိမ့်မယ်။

အခုချိန်ကစပြီး
ခင်ဗျားအသံနဲ့  ဖျော်ဖြေခန်းကို
ဆက်လက်တင်ဆက် ပါတော့မယ်။

သုဏော်စိုင်း

ကျောက်စိမ်း

ရတနာဂီရိကိုသွားပြီး
နားထွင်းပေးရသူ မဟုတ်ဘူး
အကယ်ဒမီညရင်ခုန်သံကို
ပြောပြမဲ့သူ မဟုတ်ဘူး
ဒါပေမဲ့
ရော့ခ်တစ္ဆေနဲ့ ပေါင်းလို့ 
သတ္တုရဲ့ မြစ်ဖျားကို စီးဆင်းစေခဲ့
Classical ဂစ်တာသံကို
သားရေမျက်နှာပြင်ထက်က
ညက်ညက်ကလေးထွက်စေခဲ့သူ
မိုးဟေ့ဆိုရင်
ပါလာသည့်ရှန်တဘက်ကလေး ခေါင်းပေါ်တင်
ကင်ပွန်းချုံနွယ် နဘေးကပြေးရ
ဆောင်းဆိုရင်လည်း
ချမ်းပုံမှာ ကမ်းကုန်ရစ်အောင်
အေးမြခြင်းကို သရုပ်ဆောင်
နွေဦးကာလ သူစလိုက်တော့
မြူခိုးတွေက ငြိမ့်ငြိမ့်ကြွ
ဖုန်လုံးကြီးတွေ တလိမ့်လိမ့်ထ
ကိုယ်တို့ မှာ ထန်းပဲတတ်ရတော့မလို
လက်ပံပွင့်ခြောက်
ကောက်ရတော့မလို
ခုနှစ်ရောင်အသံတွေကို
ဆယ့်နှစ်မျိုးဖြည့်စွက်ပြ
တိုက်ပုံနဲ့ ရင်ဖုံးတွေကို
အရောင်ထက်လက်စေရင်း
လက်အသွားအလာ တအားပဲလှသူ
ဆက်ပြောရင် အဆုံးမတွေ့ြုပန်တာကြောင့်
ပြုန်းတေ့သံဆိုတာ ကြားမယ်....။ ။

သုဏော်စိုင်း

ကမ္ဘာအရပ်ရပ်မှ မြန်မာများအတွက်...
ဆိုင်းဆရာ မြန်မာပြည်ကျောက်စိမ်းအားရည်ညွန်းသည်။

အလွမ်းနဲ့  ခပ်ဆင်ဆင်

သတိရစိတ်ကို ဆွဲပြေးသွား
တယ်လီဖုန်းနံပါတ်များ အပြင်သွားတယ်
ခြေထိုးဖျက်ခံလိုက်ရတော့ ခေါင်းကျိုးသွားတယ်
မီးနဲ့ ဖွင့်ထုတ်လိုက်တဲ့ အခိုးအငွေ့ တွေကြားမှာ
တစ်ယောက်တည်း
ဗျာ၊ ဗျာ၊ ဗျာ၊
ဒိုင်းနမိုက်များကို မျိုချပြီး
ဒေါင်ထဲကွေ့ ဝင်သွားသည်။
လွင့်ပစ်လိုက်စမ်းပါ
အဲသည့်နာရီကိုလွင့်ပစ်လိုက်စမ်းပါ
ဘာပျောက်မှန်းလဲမသိဘူး
ဘယ်နားထားမိမှန်းလဲမသိဘူး
ကွမ်းသွေးကို အလွမ်းအဆွေးလို
ပျစ် ခနဲ ထွေးလိုက်
လွင့်ပစ်လိုက်စမ်းပါ
အဲသည့်နာရီကို လွင့်ပစ်လိုက်စမ်းပါ
ကိုယ်ဟာ အော်ကြီးဟစ်ကျယ်
ဆွံ့ အသူပါ သူငယ်ချင်း
မျက်လုံးတွေဟာ အစာရေစာတောင်းခံသလို
အမြှီးတယမ်းယမ်းနဲ့ 
ဆုံတွေ့ ချိန်မှာ ပံ့ပိုးပေးမဲ့ နောက်ခံတီးလုံးကို
ပြောင်းပစ်ဖို့ ဆိုတာ
မိုးတွေ ညို့ လာပြီ
နေပါစေတော့
အဲသည့်နာရီလေးကိုပဲ ပတ်ထားပါရစေတော့
ကျွန်တော့်ဆီကိုလာမလည်နဲ့ သိလား
လေဖြတ်သလိုပြောတဲ့ မန္တလေးသံ
အဲသည့်အသံလေးကိုပဲ
ပိုက်ဆံအိတ်ထဲက ထုတ်ထုတ်ကြည့်မိတယ်...။ ။

သုဏော်စိုင်း

မင်္ဂလာပါမိတ်ဆွေ

မင်္ဂလာပါ
ဒီနေ့့့့့့ 
ဒီလိုဆုံတွေ့ ခွင့်ရတာ မင်္ဂလာပါ
အဲသည်လိုနဲ့ ကဗျာကို စဖွဲ့ လိုက်လေရဲ့
လက်ခုတ်သံတွေဟာ အုံးခနဲထပျံသွား
အရာအားလုံးဟာ တသားတည်းဖြစ်ဖို့ 
နမောတဿရွတ်လို့  ညွတ်တွားရအောင်

နမောတဿ ဘဂ၀တော အရဟတော သမ္မာသမ္ဗုဒ္ဓဿ။
နမောတဿ ဘဂ၀တော အရဟတော သမ္မာသမ္ဗုဒ္ဓဿ။
နမောတဿ ဘဂ၀တော အရဟတော သမ္မာသမ္ဗုဒ္ဓဿ။
ဗုဒ္ဓံ သရဏံ ဂစ္ဆာမိပါဘုရား။
ဓမ္မံ သရဏံ ဂစ္ဆာမိပါဘုရား။
သံဃံ သရဏံ ဂစ္ဆာမိပါဘုရား။
(ဒုတိယံမိ နှစ်ကြိမ်မြောက်လည်း)
(တတိယံမိ သုံးကြိမ်မြောက်လည်း)

ဘ၀အတွက်အဆင်းရဲဆုံးက အချိန်
ဘုရားတောင် ပေါက်ဆိန်ပေါက်ဦးချ
ပြက္ခဒိန်တွေ လှန်ရင်းမောလာတယ်။

မွေးကတည်းက လည်း....
အူဝဲ. . . .
သေဆုံးသွားပြန်တော့လည်း
နှောင် ခနဲမြည်တဲ့
ကြေးစည်သံက မျက်ရည်ကို ညှစ်ထုတ်ပြန်တယ်...

ရေပက်မ၀င်အောင်မှန်တဲ့ သင်္ခါရ
ကွေးသောလက် မခြောက်ခင်လား
စိုသောလက် မဆန့် ခင်လား
ရန်သူမျိုးငါးပါးနဲ့  ဒွေးရောယှက်တင်နေရတယ်

ကုသိုလ်၊ ပညာ၊ ဥစ္စာရဖို့ 
သင့်ရာဒေသ အမြဲနေ
နယ်ပယ်ချဲ့ ထွင် ကျွန်ခံခြင်း
ငွေကြေးနဲ့ ရွှေ့ လို့ ရတဲ့ ဇယ်ရုပ်တွေဟာ
ဂိတ်မှုးကြီးလက်ထဲမှာ အရောင်လက်လာတယ်..

ပါးကွက်မညီခင် ပါးကွက်ပျက်နေကြခြင်း
ဒါပဲနော်၊ ဒီတစ်ခါပဲရမယ်
အဲသည်လိုနဲ့  ဒုတိယကမ္ဘာစစ်ကို စခဲ့ကြတယ်
ဟီရိုရှီးမားလား၊ နာဝါစကီလားတော့မသိဘူး
ကျွန်တော်တို့ ဖျက်ချခဲ့ကြတယ်...
သမီးခုလို နာမည်ထွက်လာတာဟာ
လက်တွဲဖော်တွေ၊ မြေတောင်မြှောက်ပေးတဲ့သူတွေကို
သမီးနဲ့ 
ကျေးဇူးဆပ်ခဲ့လို့ ပါ
ငါ့သမီးလေးတော်လှ တော်လှနဲ့ 
ဟန်းဖုန်းခါးကြားထိုး

နောက်ဆုံးပေါ် မော်ဒယ် လန်းလန်းလေးနဲ့ 
လဲလိုက်ပါအဖေရာ၊ အဖေ့ကားကြီးက
အဲယားကွန်းလဲ မအေးတော့ဘူး

ချွေးထွက်လွန် သမ္မာအာဇီဝဟာ
အောက်ဆိုက်ဓာတ်ဆားကို မှီဝဲနေ

ကဲ သားတို့ ၊ သမီးတို့  ဒီပုံစံလေးကို ဖြည့်လိုက်ကြနော်
ကြုံတုန်းအလှူငွေလေးလည်း.......

ကင်းခြေများတွေ လမ်းသလားသလို
အသက်ဝင်တဲ့ညနေ
အပြေးအလွှားလမ်းဖြတ်ကူးတဲ့ ကြွပ်ကြွပ်အိတ်ဟောင်းဟာ
ဆယ်လိုတိတ်အကြောင်းမသိတဲ့ ရာတန်ကို
မယုံသလိုလိုကြည့်တယ်
ဘတ်စ်ကားတွေထဲကို ချွေးစက်တွေရဲ့ 
သုံးပုံတစ်ပုံထည့်ရတယ်
ပါးစပ်မပါတဲ့ ညစာစားပွဲတွေနဲ့ 
ညစာစားပွဲမပါတဲ့ပါးစပ်တွေဟာ
webcam နဲ့  chatting ထိုင်
ဂွီ၊ ဂေါ်

ကျွန်ယုံတော တဖက်ကမ်း
သားသမီးယုံတော့ စုံလုံးကန်း
အကြည်ဓာတ်ကလေးလွှာခံထားရတဲ့ ကျွန်တွေရှေ့ မှာ
ယမထာရွှေကြိမ်လုံးရယ်နဲ့ 
သိမ်ပန္နက်ကိုတဲ့ ခြေတော်တင်
အပြောင်းအရွှေ့ ဈေးကွက်ဖွင့်တာ
ရက် ၂၀ နီးပါးရှိပြီ

အသင်းခေါင်းဆောင်ကလည်း ပွဲပယ်ခံထားရတယ်
အားထားရတဲ့ကစားသမားတွေကလည်း
မုန်တိုင်းတိုက်လို့ တကွဲတပြားစီ
ကြွက်ချေးတွေထဲရောနေတဲ့ ဆွမ်းဆန်နဲ့ 
နှမ်းတစေ့နဲ့ ဆီဖြစ်ခြင်း၊ မဖြစ်ခြင်း

ခင်ဗျာ ပြည်တွင်းမှာပဲထုတ်တာခင်ဗျ
နိုင်ငံခြားကိုမှာလို့ မရပါဘူး
ဟုတ်ကဲ့ ကျွန်တော်တို့ ဆိုင်က ဘူဖေးစနစ်လေ

တနေ့ လုပ်မှ တနေ့ စားရတာဆိုတော့လည်း
စုနိုင်အောင်လုပ်ဖို့ ဆိုတာ

တီ
တို
တ
တေ
တီ

ဟယ်လို၊ ဟယ်လို
လူကြီးမင်းခေါ်ဆိုသော တယ်လီဖုန်းမှာ.............။

သုဏော်စိုင်း

မြှား

ညို့ ကြိုးကို ပြင်းပြင်းဆွဲ
လခြမ်းပုံ လေးကိုင်း အညွတ်မှာ
ရွှစ် ခနဲ ပစ်ခွင်းလိုက်တယ်...
နေရောင်များ၊ လရောင်များ
သူ့ အတွက်များ၊ သူများအတွက်များ
ပြီးတော့ ၊ ငါ့အတွက်များ
နောက်ထပ်
ပန်းပွင့်များ၊စမ်းချောင်းများ
ဖုန်မှုန့် များ
မျက်မြင်ကိုယ်တွေ့ ရှုခင်းကိုမေ့လို့ 
အဝေးကိုထွက်သွားရတယ်
ပစ်မှတ်နဲ့ သားကောင်
ဘယ်အမှောင်မှာ
လင်းရမှာလင်းရမှာလဲ....

သုဏော်စိုင်း

ပြဿနာ

ပြဿနာဟာ ပြဿနာဖြစ်ပြီး
ပြဿနာမဟုတ်ရင်
ပြဿနာမဟုတ်ဘူး။

ပြဿနာမဟုတ်တာကို
ပြဿနာဖြစ်အောင်လုပ်တော့
ပြဿနာက ပြဿနာမဟုတ်တော့။

ပြဿနာမဟုတ်တဲ့  ပြဿနာထဲ
ပြဿနာက၀င်ပြီး
ပြဿနာမဟုတ်ကြောင်းရှင်းတော့
ပြဿနာက ပြဿနာဖြစ်ပြီး
ပြဿနာမဟုတ်တာက
ပြဿနာမဟုတ်ဘူးဖြစ်နေတယ်။

သုဏော်စိုင်း

မီးခိုးအူသံ ( ၂ )

ရလိုဇောနဲ့ ရှိုက်ဖွာနေတဲ့ ကျွန်တော့်ကို
ဆေးလိပ်မီးက ရဲနေအောင်ကြည့်တယ်
လောင်စာဆီသောက်မျိုထားသူက
နေရာတစ်ခုမှာ အလင်းကိုတောက်ကာ
နေရာတစ်ခုမှာ အသံနဲ့ ခြောက်ပြီး
သတ္တ၀ါတို့ ရဲ့ သတ္တကို သိမ်းပိုက်ထားတယ်
ဝသန္တကလည်း အလုအယက်ခုန်ဆင်းလို့ 
တစ်စုတစ်ဝေးတည်း လမ်းကိုဖောက်ပြီး
အိပ်စက်ခြင်းက ဒီကဗျာကိုတောင်းနေရဲ့
ကျွန်တော့်ဆီက . . . . .
ကျွန်တော်က ဆေးလိပ်ထဲ မရောက်ဘူး
မရောက်ဘူး ဆေးလိပ်က ကျွန်တော့်ထဲ
တစ်ဖျတ်ဖျတ်ကိုလွင့်နေရင် တစ်ခုခုနဲ့ ဖိထား
အလွမ်းဖြင့် အလွမ်း
အကြမ်းဖြင့် အကြမ်း
ကဗျာတစ်ပုဒ်လောက် ငါ့ကိုနမ်းပါ
နည်းနည်းလေးမှတောင်မမြင်ရဘူးဆိုရင်
ကျွန်တော်နဲ့ ကွယ်နေလို့ 
ဒါမှမဟုတ်ရင်
ခင်ဗျားနဲ့ ကွယ်နေလို့ ဖြစ်မယ်
နံရံများထွားလာကြသည်
ချုပ်နှောင်ခြင်းဆိုတာ ငါတို့ ရဲ့
သေသပ်စွာ ထုပ်ပိုးခြင်း ခံရတဲ့အရာ . . . . . . . . . . . . . . . . . . (နတ်ဆိုး/ဒီမွန်း)
အဟောင်းအမြင်းတွေက ဟားတိုက်ရီမောကြ
ရီသံများဆိုိတာကလည်း စိတ်ပြတင်းက စီးကျလာခဲ့တဲ့
တောက်ခေါက်သံများပဲ မဟုတ်ပေဘူးလား ။ . . . . . ။

သုဏော်စိုင်း

ဒူုးခေါင်းကိုပိုက်၊ ခေါင်းငိုက်စိုက်နဲ့ မျက်ဝန်းတစ်စုံ

ကမ်းကလည်း ဝေး
ဝေးလို့ နေရဲ့ ..
ကမ်းဝေးထဲမှာပဲ
တ၀ဲဝဲ တလည်လည်ဖြစ်ရ

"အချိန်တိုင်း မဟုတ်တောင်၊
အချိန်အတော်များများ
သတိရနေတယ်"

ဘယ်သူ့ ကိုဝန်ခံမှန်းမသိတဲ့ 
စကားလုံးများ
သူ ငုံထားလေရဲ့ ..၊

ဒီလိုနဲ့ 
ပျော်စေ
စကားလုံးများ သတိရနေရဲ့ 

ဒီလိုနဲ့ 
တော်ပြီ
စကားလုံးများ မောင်းထုတ်လိုက်ရဲ့ 

ဒီလိုနဲ့ 
သူများအကျိုးဆောင် ကိုယ့်အကျိုးအောင်
စကားလုံး မှေးမှိန်လာရဲ့ 

ဒီလိုနဲ့ 
ဆက်သွယ်မှုဧရိယာပြင်ပများ
အသက်ရှုနေလေရဲ့

ဒီလိုနဲ့ 
မှိုင်းညို့ ညို့ မျက်ဝန်းများ
ဝေရီနေလေရဲ့

ဒီလိုနဲ့့
ရှာမယ်ပြင်ခြေလှမ်းများ
အားလျော့လာရဲ့ 

ဒီလိုနဲ့ 
အပြာရောင်ကောင်းကင်ကို
အမှိုင်းရောင်သုတ်လိုက်ရဲ့ 

ဒီလိုနဲ့ 
ကြယ်၊လ ပြိုင် ကောင်းကင်ကို
ကြက်တွန်သံပေးလေရဲ့ 

ဒီလိုနဲ့ 
(ကဗျာဆရာ မောင်ချောနွယ် ပြောသလို )
လမ်းချင်းတူရင် လူချင်းတွေ့ မယ်
စကားလုံးက်ိုရေချ
ကမ်းစပ်ကိုလှမ်းမျှော်
မျှော် ခတ်နေလေရဲ့ ......

သုဏော်စိုင်း

လမ်း

မာတိကာမှာကတည်းက
မှားနေတဲ့စာအုပ်မှာ
ထိုင်ရာမထစကားလုံးတွေအောက်
ကိုယ်ဝန်တွေပျက်ကျခဲ့ရ..
သွေးစက်တွေနဲ့ ရေးခဲ့လည်း
ဒီအမှောင်ဟာ
မလင်းနိုင်ဘူး..
အပင်ပျိုးသူကို အပြစ်မြင်တဲ့
ဒီခေတ်မှာ
ကျောက်တုံးတွေရဲ့ အသက်ရှုသံ
ဒီတစ်သံပဲ ထွက်လာရင်
မျက်လုံးအစုံ မြင်ရအံ့...။


သုဏော်စိုင်း

မလွမ်းဘဲနဲ့ 

မလွမ်းဘဲနဲ့  နေမထွက်ဘူး
မလွမ်းဘဲနဲ့  နိုးမထဘူး
မလွမ်းဘဲနဲ့  သွားမတိုက်ဘူး(တကယ်)
မလွမ်းဘဲနဲ့  မနက်စာမစားဘူး
မလွမ်းဘဲနဲ့  အလုပ်မသွားဘူး
မလွမ်းဘဲနဲ့  လက်ဘက်ရည်ဆိုင်မထိုင်ဘူး
မလွမ်းဘဲနဲ့  ဆေးလိပ်တိုတွေများမလာဘူး
မလွမ်းဘဲနဲ့  ဆေးလိပ်ဖြတ်ဖို့ မစဉ်းစားမိဘူး
မလွမ်းဘဲနဲ့  ခေါက်တုံခေါက်ပြန် ငါမလျှောက်ဘူး
မလွမ်းဘဲနဲ့  ထိုင်မငေးဘူး
မလွမ်းဘဲနဲ့  အတွေးတွေတိမ်မဖွဲ့ ဘူး
မလွမ်းဘဲနဲ့  တိမ်မတောက်ဘူး
မလွမ်းဘဲနဲ့  အိမ်ပြန်မရောက်ဘူး
မလွမ်းဘဲနဲ့  မိုးမချုပ်ဘူး
မလွမ်းဘဲနဲ့  ကြိုးမရှုပ်ဘူး
မလွမ်းဘဲနဲ့  ဖုံးမခေါ်ဘူး
မလွမ်းဘဲနဲ့  ခေါင်းမခါဘူး
မလွမ်းဘဲနဲ့  အိပ်ယာမ၀င်ဘူး
မလွမ်းဘဲနဲ့  လိပ်ပြာမရွှင်ဘူး
မလွမ်းဘဲနဲ့  ရေးလို့ မဖြစ်တဲ့ ဒီကဗျာ
မလွမ်းဘဲနဲ့  ခင်ဗျားဖတ်မိမှာ မဟုတ်ဘူး



သုဏော်စိုင်း

အဖြစ်ချင်ဆုံးဆန္ဒ

သိုင်းလောကမှာ လမ်းကိုပဲမေးကြတယ်
ခံစားချက်ကို မတွေးကြဘူး
မေးခွန်းက ရိုးရှင်းလွန်းတော့လည်း
အံ့သြရမှုမှာ အဆန်းတကြယ်
ဒါ့ကြောင့်မို့ ငါဟာ အဇာတသတ်ဖြစ်ခဲ့ရ
ဒါ့ကြောင့်မို့  ငါဟာ
သူခိုးကို သမက်ထင်တဲ့ ဖခင်လို
ငါ့ကဗျာလေး ငါးပါးမှောက်ခဲ့ရ
တဲထိုးတာအစ
တိုက်ဆောက်တာအလည်
တိုင်းပြည်တည်တာအဆုံး
ကိုယ့်အရိပ်နဲ့ ကိုယ် အုံးအုံးကျွက်ကျွက်ဖြစ်စေချင်တာပဲ
ဖလားမရလဲ ဥရောပ၀င်ခွင့်တစ်နေရာလောက်
ဆိုပေမဲ့
သုဏော်စိုင်းဆိုတဲ့နာမည်မှာ
တိုင်းချုပ်ထားသလို ချပ်ချပ်ရပ်ရပ် ရှိလွန်းတာကြောင့်
နတ်ဝင်သည်တွေပြောသလို
အရှင်ကြီးခြုံမှ လုံပါတယ်...။ ။

သုဏော်စိုင်း

အသက်ကယ်ဆေး

နေကိုပတ်ခဲ့တဲ့ ခေါက်ရေများ၊ နှစ်များလို့ 
ထင်ရတဲ့ခဏတာများ
တစ်ခါတစ်လေလည်း စိတ်လိုလက်ရ၊ စိတ်ချလက်ချ
တစ်ခါတစ်လေလည်း စိတ်မပါလက်မပါ၊ ထိတ်ထိတ်ပြာပြာ
အရှုံးတွေထဲက လူးလဲထရချိန်ဆို
စိတ်နဲ့ သပ်ချလည်း ကွာကျမသွားတဲ့
နောင်တတွေဟာ ကပ်ပြီးပါလာတယ်
သူ့ ကိုယ်သူတော့ အတွေ့ အကြုံဆိုပြီး
မိတ်ဆက်ပေးခဲ့တာပဲ
ခရီးသည်တင်ကားသမားတွေရဲ့လေကို
နားရွက်တွေက ခလုတ်တိုက်တော့
ခေါက်ရေများလေ ကိုယ့်အတွက်ကျန်လေတဲ့
စာအုပ်တစ်ချို့ ကလည်း ထ ထ အော်တယ်
နာရီတွေက ကျော်မတတ်စေနဲ့ 
နာရီတွေက ကျော်မတတ်စေနဲ့ 
ဒီတီးလုံးတွေနဲ့  တစ်ကိုယ်လုံးခါပြီးကလည်း
သွေးတွေက အထူးနွေးမလာဘူး
သွားနေတဲ့အချိန်တွေကို
ဝါးနေတဲ့ကွမ်းယာလို ထွေးထုတ်ပစ်လိုက်ရမလား
ချည်မပါတဲ့အပ်နဲ့ ချုပ်သလို
အပ်ပေါက်ရာတွေသာ များလာခဲ့ရ
ဖြတ်လျှောက်ဆန်ဆန် ပြကွက်တွေ ထပ်ကာ
ထပ်ကာသွားနေသည်
ပါရမီဖြည့်ဘက်ရဲ့နေရာ
ပါရမီဖြည့်ခံရသူရဲ့နေရာ
နှစ်ကိုယ်ခွဲ သရုပ်ဆောင်နေရတဲ့
လက်ဦးဆရာရဲ့ ဟန်တွေပေါ်လာတယ်
အပြောင်းအလဲထဲမှာ ကွက်ရွှေ့ ပုံတွေ
အနှေးပြကွာက်နဲ့ လိုက်ကြည့်ရင်း
စကားလုံးတွေကို လိုက်ရွတ်ရင်း
သရုပ်တူအောင် သဏ္ဌာန်လုပ်ကြည့်ရင်း
သင်္ချိုင်းကိုသွားတဲ့လမ်းက
ကြမ်းကြမ်းနဲ့ အရှည်ကြီး
ခေါင်းဆိုတာလည်း
ဖိနပ်အရှည်ကြီး
ဒီလို မီးတွေလင်းလာတယ်. . .။ ။

သုဏော်စိုင်း

မီးခိုးအူသံ

^{_{အရိပ်စစ်ရဲ့  အရိပ်အယောင်တွေ}}

^{_{တိတ်ဆိတ်ညမှာ လ လို လင်းနေတယ်}}

^{_{မြုံနေတဲ့ အသေတွေနဲ့ }}

^{_{ဖွားလာမဲ့အရှင်တွေ}}

^{_{သေဆုံးချိန်တောင်မသိရ}}

^{_{ဈာပန ကို ဖြတ်သန်းကြ}}

^{_{တဖန် မွေးဖွားခဲ့ကြရတာတွေ}}

^{_{ခြေရာ လက်ရာတွေလွင့်ပါး}}

^{_{အဆိပ်များစွာ သောက်မျိုကြရဲ့ }}

^{_{မိုက်ကန်းမိတာတွေ}}

့

^{_{ခြေရင်းမှာပုံ ကျလောက်အောင်}}

^{_{တအိအိ ကြွေကျ}}

^{_{နာရီများရဲ့  နောင်တတွေ}}

^{_{ဦးတည်ရာကိုသွားရမလား}}

^{_{ပဲ့ကိုင်သူနောက်လိုက်ရမလား}}

^{_{လှေတစ်စင်းရဲ့ တွေဝေမှုတွေ}}

^{_{ကြေကွဲမှုဟာ ခပ်ဝေးဝေးမှာ}}

^{_{အသုဘ ကြေးစည်သံလို လွင့်လို့ }}

^{_{ချလိုက်တဲ့ သက်ပြင်းကတောင်}}

^{_{ယောင်တောင်တောင်နဲ့ }}

^{_{ခေါင်းကုတ်ပြီးထွက်သွားတယ်}}

^{_{သမင်လည်ပြန်လှည့်ကြည့်ရင်း}}

^{_{ထင်ကျန်နေတဲ့ စွတ်ကြောင်း}}

^{_{" ဂ "ငယ်ကွေ့ ဖို့  မဖြစ်နိုင်}}

^{_{သံသယတောတိုးမယ့် ဆင်ကန်း}}

^{_{ခြေတစ်လှမ်း ထပ်လှမ်းလိုက်မယ်}}

^{_{မိုက်လှတဲ့ ဒီအကောင်}}

^{_{အမှောင်မှာ}}

^{_{သက်ပြင်းချစေ...။}}

^{_{သုဏော်စိုင်း}}

အနမ်း

အ၀ိဇ္ဇာပေမဲ့ မဟားဒရားလှတော့
ပုထုဇဉ်ပီပီ မှားကြတယ်...

တစ်ဦးတစ်ယောက်ဟာ ရှက်ြ့ပီးပြုံးနေသလား
တစ်ဦးတစ်ယောက်ဟာ ပြုံးရင်းရှက်နေသလား

တွေ့ ကြဆုံကြရင် ပင်လယ်ရေဖြစ်ပြီး
ဝေးကြကွာကြရင် ဖောင်စီးရင်းရေငတ်ကြတဲ့အဖြစ်

မြှားတစ်စင်းပစ်လိုက်သလို
သီချင်းတစ်ပုဒ်ဟစ်လိုက်သလို
လေထဲကနေ kiss လိုက်တယ်..
လမ်းမကောင်းဘူးပြောကြတဲ့အချစ်စစ်
မင်းနှုတ်ဖျားမှာ စွဲထင်ရစ်စေ...။ ။

သုဏော်စိုင်း

ဇာတ်မျော

ဇာတ်လမ်းက မျက်ရည်ကျသင့်တာမှန်ပေမဲ့
မျက်ရည်ကျရမှာ မဟုတ်ဘူး...
မီးဝင်းဝင်းတောက်အောင် တောက်ခေါက်ရမှာ...
(ခွေးများသည် တောက်ခေါက်သံကို ကြောက်လေ့ရှိသည်။)
၂၀၀၂ ခုနှစ် ကမ္ဘာ့ ဖလားတုန်းက
ဒေးဗစ်ဘက်ခမ် ဒဏ်ရာရနေတော့
ဂျပန်ပြည်သူတွေဟာ
စက္ကူကြိုးကြာငှက်ရုပ်တွေနဲ့ ဆုတောင်းခဲ့ကြသတဲ့
ချစ်တတ်လွန်းသူတွေဟာ တရားခွင်ကိုသွားပြီး
ချစ်ကြောင်းပြနေ..
" ဗေထိ " ဆို ကချင်လိုက်တာလည်းလွန်ပါရော
သူ့ လမ်းကို
ဖိနပ်မပါပဲ လျှောက်ဖို့ ကြ
ငတ်လာတဲ့လျှာကို ထောက်လို့ ပြတယ်..
ဇာဂနာ၊ နေဘုန်းလတ်၊ သီးလေးသီး၊
စောဝေ၊ >>>>>>>>>>>>>
<<<<<<<<<<<<>>>>>>>>>
အစရှိသဖြင့်
ငထွားတွေပဲ ခါးနာကြလေတော့
ဒီလို
တကယ့်အဖြစ်အပျက်ထက်နာတဲ့
ဇာတ်ရယ်လို့  မရှိပြန်ဘူး။ ။

သုဏော်စိုင်း

တစ်ရွာလုံးမှာတစ်ယောက်ပဲရှိတယ်

အဝေးကကြည့်ရင်
လှယဉ်ကျေးမယ်လေးနဲ့ တူတဲ့အိမ်ကိုပိုင်တာ
တစ်ရွာလုံးမှာတစ်ယောက်ပဲရှိတယ်

စောင်းတန်းတစ်ခုလို
ဘုရားရုပ်တုတွေ အများကြီးပိုင်တာ
တစ်ရွာလုံးမှာတစ်ယောက်ပဲရှိတယ်

တစ်ရွာလုံးမှာဘယ်နေရာတူးတူး
ရေကြည်ထွက်တဲ့ အိမ်ကိုပိုင်တာ
တစ်ရွာလုံးမှာတစ်ယောက်ပဲရှိတယ်

တစ်ရွာလုံးမှာ ဘာပင်စိုက်စိုက်
စိုက်တိုင်းပေါက်တဲ့ခြံကိုပိုင်တာ
တစ်ရွာလုံးမှာတစ်ယောက်ပဲရှိတယ်

စစ်တွင်းလက်ကျန် အမြှောက်ဆံကို
ဘုရားစင်မှာပန်းအိုးထိုးတာ
တစ်ရွာလုံးမှာတစ်ယောက်ပဲရှိတယ်

မျက်လှည့်ပြသလိုအလုပ်နဲ့ 
ငါ့စကားနွားရပြောတာ
တစ်ရွာလုံးမှာတစ်ယောက်ပဲရှိတယ်

ထွက်သမျှကို အကုန်ရောင်း
သူရင်းငှားကို ဗိုက်ဟောင်းလောင်းထားတာ
တစ်ရွာလုံးမှာတစ်ယောက်ပဲရှိတယ်

မိဘဆရာအသင်းဝင်ထားပြီး
သူ့ ကလေးကြတော့ လေးတန်းထိပဲထားတာ
တစ်ရွာလုံးမှာတစ်ယောက်ပဲရှိတယ်

မီးစက်တွေပိုင်ရဲ့ သားနဲ့ 
ဖယောင်းတိုင်မီးနဲ့  ညနက်ခိုင်းတာ
တစ်ရွာလုံးမှာတစ်ယောက်ပဲရှိတယ်

ဘုရားစင်ကလိမ္မော်သီးကို
အိမ်ဖေါ်ခေါင်းပေါ်တင်ပြီး မြှားနဲ့ ပစ်တာ
တစ်ရွာလုံးမှာတစ်ယောက်ပဲရှိတယ်

အရေးအကြောင်းရှိရင်
ခေါင်းရင်းအိမ်နဲ့ အမြဲတိုင်ပင်တာ
တစ်ရွာလုံးမှာတစ်ယောက်ပဲရှိတယ်

သံလွင်ခတ်ကိုက်လာတဲ့ ချိုးဖြူငှက်ကို
အတောင်ချိုးပြီး လှောင်ချိုင့်ထဲထားတာ
တစ်ရွာလုံးမှာတစ်ယောက်ပဲရှိတယ်

အမှတ်တမဲ့ကြည့်ရင် ပုလဲနက်လိုနဲ့ 
အသက်ရှိစဉ် ငရဲမီးစိုနေတာ
တစ်ရွာလုံးမှာတစ်ယောက်ပဲရှိတယ်

သုဏော်စိုင်း

မြို့ ပြ၏၀ါးမျိုမှု

သစ်ကိုင်းပေါ်နားနေတဲ့ ငှက်တို့ ရဲ့တောင်ပံခတ်သံက
ပန်းတို့ ရဲ့ပွင့်ဖတ်ကိုလှစ်ခွာလိုက်ပြီး
ပွင့်အာသွားတဲ့ ၀တ်လွှာတွေကြားမှာ
နေရောင်ခြည်အတောင့်လိုက်ထိုးလို့ 
ဝတ်မှုန်တွေ လေစီးကြောင်းအတိုင်းမျောပါကြ
ငှက်တို့ ကို မြူဆွယ်ကြ
ရနံ့ တို့ ရဲ့ဖျားယောင်းမှုမှာ ငှက်တွေ
သစ်ကိုင်းပေါ် နားကြ...

သစ်ကိုင်းပေါ်နားနေတဲ့ ငှက်တို့ ရဲ့တောင်ပံခတ်သံက
ပန်းတို့ ရဲ့ပွင့်ဖတ်ကိုလှစ်ခွာလိုက်ပြီး
ပွင့်အာသွားတဲ့ ၀တ်လွှာတွေကြားမှာ
နေရောင်ခြည်အတောင့်လိုက်ထိုးလို့ 
ဝတ်မှုန်တွေ လေစီးကြောင်းအတိုင်းမျောပါကြ
ငှက်တို့ ကို မြူဆွယ်ကြ
ရနံ့ တို့ ရဲ့ဖျားယောင်းမှုမှာ ငှက်တွေ
သစ်ကိုင်းပေါ် နားကြ...
သစ်ကိုင်းပေါ်နားနေတဲ့ ငှက်တို့ ရဲ့တောင်ပံခတ်သံက
ပန်းတို့ ရဲ့ပွင့်ဖတ်ကိုလှစ်ခွာလိုက်ပြီး
ပွင့်အာသွားတဲ့ ၀တ်လွှာတွေကြားမှာ
နေရောင်ခြည်အတောင့်လိုက်ထိုးလို့ 
ဝတ်မှုန်တွေ လေစီးကြောင်းအတိုင်းမျောပါကြ
ငှက်တို့ ကို မြူဆွယ်ကြ
ရနံ့ တို့ ရဲ့ဖျားယောင်းမှုမှာ ငှက်တွေ
သစ်ကိုင်းပေါ် နားကြ...
သစ်ကိုင်းပေါ်နားနေတဲ့ ငှက်တို့ ရဲ့တောင်ပံခတ်သံက
ပန်းတို့ ရဲ့ပွင့်ဖတ်ကိုလှစ်ခွာလိုက်ပြီး
ပွင့်အာသွားတဲ့ ၀တ်လွှာတွေကြားမှာ
နေရောင်ခြည်အတောင့်လိုက်ထိုးလို့ 
ဝတ်မှုန်တွေ လေစီးကြောင်းအတိုင်းမျောပါကြ
ငှက်တို့ ကို မြူဆွယ်ကြ
ရနံ့ တို့ ရဲ့ဖျားယောင်းမှုမှာ ငှက်တွေ
သစ်ကိုင်းပေါ် နားကြ...
***************
**********
**** *****
********
*** ********
******
******** **
**** **
..............
..........
.........
........
...........
......
..........
.....

သုဏော်စိုင်း

အမှိုက်ပုံထဲမှ အပျက်အစီးများ

ဘ၀အပူကို
ကိလေသာနဲ့  ယပ်ခပ်ကြသူတွေ

"၀ိတ်တာ၊ခဏ
ကလေးမကို ဈေး အကြီးဆုံးပန်းကုံး
ဆုချလိုက်.."

"အန်တီ့ဘ၀ဟာ
သားနဲ့ တွေ့ မှ..."

တော်သလင်းလကို ကိုက်ချီထားတဲ့ 
ခွေးတွေလို၊ အူကြ..

ပုကွကွ နေ့ တွေကိုလက်ဆွဲပြီးတော့၊
ဆောင်းရာသီကလည်း
အရပ်ထဲ လျှောက်အော်နေတယ်..

"အဲယားကွန်းလေးပိတ်ပေးကြပါရှင်.."

လပြည့်ညကလည်း
မျက်ရည်လည်ရွှဲနဲ့ 
မီးစက်က စော်ကားလိုက်လို့ တဲ့ 

နေ၀င်မှ အလုပ်သိမ်း
ညနက်မှ အိမ်ပြန်
ဘ၀ကို ကိုရီးယားကားထံ
အပ်နှံထားကြသူများ

ရှားပါးမှုတွေ ပေါများနေလို့
ကံစမ်းမဲ ကို ကိုးကွယ်ကြ
ကျေးဇူးတင်ပါတယ်ဆို အော်ဆဲ
အပြုံးမျက်နှာ ရတော့ ငိုချင်းချ
မွန်းတည့်ချိန်ရောက်ပြီလားဆိုတာကို
ဘာထွက်သွားလဲနဲ့ မေးကြ

အာ...
နွားနှစ်ကောင် ဘယ်ရောက်သွားပြန်လဲ
မြေဇာပင်ကလည်း အဲဒီလို

နည်းပညာအသစ်၊ ဆော့ဖ်ဝဲ အသစ်
နောက်ထပ်
နည်းပညာအသစ် ၊ ဆော့ဖ်ဝဲ အသစ်
နောက်ထပ်
***********
***********
***********
နောက်ထပ်
နောက်ထပ်နဲ့ ထပ်ကုန်ကြ..

လှေကား၊လှေကား
ဂမူးရူးထိုးလိုက်ရှာကြ
တွေ့ တော့
အောက်ဆင်းသွားကြပြန်တယ်

လျော့တိလျော့ရဲ အတွေးတွေကို
ခါးပတ်ပတ်ပေးလိုက်ကြတော့
ငြီးငွေ့ မှုတွေဟာ
လေးတိလေးကန်နဲ့ ရောက်လာဦးမှာ
ဝတ်လစ်စလစ် ဦးဏှောက်
စာအုပ်၊စာပေနဲ့ ဖုံးကွယ်
ပြုံးတယ် ဆိုပေမဲ့ လည်း
မဲ့ တဲ့ တဲ့ ...

ကမ္ဘာလည်ပုံက နာရီလက်တံနဲ့ ပြောင်းပြန်
ငါတို့ လျှောက်တော့
စက္ကန့် တံတွေရဲ့  နောက်
အဲဒီလိုနဲ့ 
နှစ်ဆယ့်သုံးနှစ်ပိုင်းတစ်ပိုင်း ဒီဂရီ ထက်
ပိုတိမ်းစောင်းခဲ့ ကြပြီကွယ်တို့ ...။ ။

သုဏော်စိုင်း

ဒါမျိုး ဒါမျိုး

လက်ကောက်ဝတ်ကို စမ်းကြည့်လိုက်ဦး
လွမ်းလွန်းလို့ ကျခဲ့ရင်တောင်
သူ့ သွေးစက်က အနီရောင်
ငါတို့ ကို အလင်းဆောင်ပေးရမယ်ဆိုတဲ့
အတွေးက ခေါင်းထဲမှာနေလို လင်းလို့ 
လျှပ်စစ်မီးလို ပျက်လိုက်၊ လာလိုက်မဟုတ်ဘူး
ဗူးဝရောက်ရင်တောင် ဦးချလိမ့်မယ်မထင်နဲ့ 
ဖခင်ကြီးရဲ့ မျိုးဆက်သွေးက သူ့ ဆီမှာ
စွေးနေအောင်ရဲတယ်...
လှောင်ချိုင့်ထဲက ငှက်ဟာ
လှောင်ချိုင့်ထဲရောက်လာတဲ့ ကြွက်ကို
သူ့ အစာထဲက မျှပေးတာ
ပေးသူရဲ့ အပြစ်လား
ကြွက်ကိုထည့်တဲ့ကောင်ရဲ့ အပြစ်လား
ပါးကွက်သားတစ်ယောက်ရဲ့ အသိမျိုးနဲ့ 
ဆောင့်ကြောင့်ထိုင်တတ်ရုံနဲ့  ခြင်္သေ့လို့ ထင်နေတာ
ကျွေးတဲ့လက်ကိုပြန်ကိုက်ဖို့ ကြံနေတာ
( ကန်တော့ပါရဲ့ )
ကိုယ့်ဟာကိုယ် နေ့ တိုင်းမြင်နေရသလို
ရိုးနေပြီ..
ဒါတောင်ရှေးလူကြီးတွေက ပြောခဲ့သေးတယ်
ခွေးရှုးကောင်းစားတစ်မွန်းတည့်ပါတဲ့
ဒီမှာဖြင့် မိုးစုန်းစုန်းချုပ်နေပြီ...
ပွဲထဲက လူရွှင်တော်တွေလို
မင်းဝတ်မင်းစားနဲ့ ပလ္လင်ပေါ်ရောက်ကတည်းက
သတ်စေလို့  တရစပ်အော်နေတာဟာဖြင့်
အရိုးကွဲအောင်ရိုက်မှ အသဲစွဲအောင်ချစ်မှာဆိုလား
ဆန်ရင်းနာနာဖွတ်တယ်ဆိုလားပဲ...။ ။

သုဏော်စိုင်း

အရိုးတွန်သံ

ဒီခြံထဲမှာ အပင်ဖြစ်ရတာတောင် ရင်နာမိတယ်။
တကယ်ပါ ..ဒီ့ပြင်ခြံတွေကို သွားချင်လို့  အားကျလို့ ပြောတာမဟုတ်ဘူး။
အပင်ပေါက် ဘ၀တုန်းကတော့ ရေခံမြေခံကောင်းလို့ ဆိုပြီး ဒိခြံမှာသစ်ပင်ဖြစ်ရတာ ဂုဏ်ယူတာပေါ့။
မြေလွှာကိုထိုးခွဲပြီး အပင်ပေါက်ဘ၀ရောက်အောင်ကြိုးစားခဲ့ရ၊ နေပူပူ၊ မိုးရွာရွာ၊ နှင်းကျကျ၊ ကျုပ်ဘ၀နဲ့ ကျုပ် ခုခံခဲ့ရတာ။
ခုတော့ဗျာ...ခြံရှင်ပေါ့၊ ခြံစည်းရိုးအသစ်ကာမယ်ဆိုပြီး ကျုပ်ကို ခုတ်ပစ်တယ်လေ။
ခုတ်တာမှ ရက်ရက်စက်စက်ဗျာ နတ်နေကိုင်းကိုပါခုတ်တာ..။
နတ်နေကိုင်းကို မခုတ်သင့်ဘူးဆိုတာ သူမသိတာလည်းမဟုတ်၊ သိသိကြီးနဲ့ ကိုခုတ်တာ..။
ဒါတောင်ရွာထဲက ကာလသားခေါင်း ကိုကုလားကြီး ရောက်လာလို့ ၊ မဟုတ်ရင် ကျုပ်တို့ အမြစ်ပါလန်တယ်။
ခုတော့ကြည့်လေ..ကျုပ်ရဲ့ ကိုင်းဖျားကိုင်းနားတွေလည်း ထင်းဖြစ်လို့ ..၊ကျုပ်ရဲ့ ရွက်နုလေးတွေလည်း အရွယ်မတိုင်ခင် ညိုးလို့ ..
အရိပ်နေနေ ..အခက်ချိုးချိုး လုပ်တဲ့ ထဲမှာ ပုဆိန် ဆိုတဲ့ဟာက ကန့် လန့် ကန့် လန့် ပါနေတာကို ကျုပ် ပိုအသဲနာတယ်...။

သုဏော်စိုင်း

ဆုတောင်းသံများရဲ့ရနံ့ 

အာသီသကိုပြည့်စေဖို့  အာသာငမ်းငမ်းကြိုးစားနေကြတဲ့

သက်တမ်းနှစ်ဆယ်ကျော်ကြာ မျက်လုံးတောက်တောက်များ၊

သွေးစက်ဟောင်းများ၊

အမှန်ဆိုတာကို ကလိထိုးပြီးထွက်လာတဲ့ တောက်ခေါက်သံ ပြက်လုံးရှင်များ၊

တော်လဲသံကို ပြန်တီးပြတဲ့ ရှားရှားပါးပါး တီးဝိုင်းတစ်ချို့ ၊

ဘ၀တွေကို လျှော်ဖွတ်ပေးချင်တဲ့ မှည့်ထစကားလုံးများနဲ့  ရင်ကွဲကလောင်တံတွေနဲ့ 

မုန်တိုင်းကျချိန်ကိုပြန်ဆွဲပြချင်တဲ့စုတ်တံရယ်၊ ဆွမ်းမခံပဲငှက်သင့်ခြင်းတို့ မှတပါး

ဂဏန်းပေါင်းစက်တွေနဲ့ ငွေရေစက်တွေ၊ တစ်လုံး၊ နှစ်လုံး၊ သုံးလုံးနဲ့  ဘီယာဆိုင် ပန်းကုံးတွေကြားမှာ

C . N . G ပြောင်းထားတဲ့ကားတွေပေါ်မှာနဲ့ မြို့ ပတ်ရထားပေါ်က ကြုံရာဘ၀တွေ၊

ရုံးတက်ချိန်နဲ့ ရုံးဆင်းချိန်ကြားက ဖိုင်တွဲများ၊

စကားပြော ကွန်ပျူတာနဲ့ စာရင်းကိုင်၊ ရှော့ပင်းစင်တာ၊ အလှပြင်ခန်းမ

တစ်ခါတစ်ခါ ဖုန်းနဲ့ ၊တစ်ခါတစ်ခါ Chatting

အိမ်ကွင်းလက်ဘက်ရည်ဆိုင်နဲ့  အဝေးကွင်း ဘီယာဆိုင်

အာရကေပါးတဲ့အခါ အဖြူ ၊ဇေယျဝတီိ၊ အမြည်းဖက်ကြမ်း

စာသင်ခန်းနဲ့ ကျူရှင်ကြားလွန်းထိုးနေတဲ့ လွယ်အိတ်လေးများ

ပုံရိပ်ဟောင်း၊ ဖတ်ပြီးသားစာနဲ့  နားစွန်နားဖျားကြားတာတွေ

အဲဒါတွေနဲ့ ပစ်ပေါက်နေကြတဲ့ စာအုပ်အဟောင်းကြီးတချို့ 

အဲသည်လိုလှုပ်ရှားမှုတွေဟာထိုင်နေကြတယ်…

အားလုံးသောလှုပ်ရှားမှုတွေဟာ ထိုင်နေကြတယ်…။ ။

သုဏော်စိုင်း

ခေါင်မိုးပြင်ကြသူများ

သင်္ချာသင်ခန်းစာမှာ
ဘေ့စ်တူမှ ပါဝါချင်းပေါင်းတယ်တဲ့။
ပါဝါတွေချင်းပေါင်းစပ်ပြီးတော့
တိုးပွားလာတဲ့ အရေအတွက်တွေ၊
ကိန်းတွေ၊ ဂဏန်းတွေ၊
ပြီး။
ကိန်းတွေ၊ ဂဏန်းတွေ၊
အရေအတွက်တွေ တိုးပွားလာတဲ့
ပါဝါတွေ။
ဘေ့စ်ကိန်းတွေက ဒုံရင်း၊
ထူးမခြားနား၊ သူလို ကိုယ်လို။
တကယ်ကိုပါ၊
တကယ်ကြီးကို လက်ဖျားခါတယ်၊
"ဘာပဲပြောပြော ငါနိုင်တယ်"ဆိုတဲ့
စကားလုံးကို ဆယ်စုနှစ်
နှစ်ခါထိုင်ရေးတာတောင်
အကြမ်းပဲရှိသေးတာ။ ။

သုဏော်စိုင်း

အမေစုအတွက်

ကြိုးနဲ့ တုတ်ထားပြီး
အချုပ်ခံရသူမှာ ကြိုးရာ ကျန်လို့ ဆို
ရမယ်ရှာတယ်။

တူတစ်ချောင်းမရှိလည်း
သံတစ်ချောင်းအဖြစ် နေပေးသူပါ။
...ဒီလမ်းတွေပေါက်ဖို့ ...

ကိုယ့်လျှာနဲ့ ကိုယ် ထွန်ရေးငင်နေရတော့လည်း
သီဟတင်စိုးတို့ ရိုက်လေ့ရှိတဲ့ကားတွေ
မငှားကြည့်ဖြစ်တော့ဘူးပေါ့...
မိုးခေါင်လို့ တီးတဲ့ ဗုံသံတွေကြားမှာတော့
သားသမီးတွေကြီးပွားဖို့ 
အမေ မီးစားပြနေတုန်းပဲ...

အနော်မာ+သုဏော်စိုင်း

မြိန်တယ်ဟုတ်

ရက်စွဲများကို စားသောက်ပစ်လိုက်ကြတာများ

ပြောပါတယ်...
မြင်သာမြင်ပြီး မကြည့်တဲ့ မျက်လုံးတွေနဲ့ 
ကြားသာကြားပြီး မစွင့်တဲ့ နားတွေနဲ့ 
ပြောသာပြောပြီး မမေးကြတဲ့ပါးစပ်တွေနဲ့ 
ရနံတွေကိုသာရှုရှိုက်ပြီး ၀င်သက်ထွက်သက်ကို
မေ့နေတဲ့နှာခေါင်းတွေနဲ့ 
အထိအတွေကိုသာသိပြီး
နာကျင်ခံစားဖို့ မေ့နေတဲ့ခန္ဓာနဲ့ 
ရုပ်မြင်သံကြားစက်ထဲက
ကြေငြာတစ်ခုလိုပေါ့
ဂွတ်တယ်ဗျာ...။ ။

သုဏော်စိုင်း

မျက်စိမမှိတ်မှီ အတွေးများ

ရေလိုက်ငါးလိုက်..ကြီးပြင်းလာတဲ့ ဒီဘ၀
အထီးကျန်ခြင်းနဲ့  တကိုယ်ရေဖြစ်ခြင်း
ရောထွေးယှက်တင် နေတယ်ပေါ့...။
ပြောပြမှသိမယ်ဆိုလည်း
ထပ်မမေးပါနဲ့ ...
ငါ နှစ်ခါမပြောချင်ဘူး...
လူငယ်တစ်ယောက်ရဲ့  အနာဂတ်တွေကတော့
လင်းတစ်ခါ မှောင်တလှည့်နဲ့ 
ရင်ဘတ်ကြီးထဲမှာတော့...
မျှော်လင့်ချက်တွေ အပြည့်နဲ့ ပေါ့။
ဖြစ်နိုင်တာတွေ၊မဖြစ်နိုင်တာတွေ
အတ္တတွေ၊ပရတွေ
ဒီလိုပါပဲ... မသေခင်ရှင်နေစဉ် စပ်ကြား
ရုန်းကန် လှုပ်ရှားရအုံးမှာပဲ
အခုတော့
အတိုးပေးရတဲ့  အကြွေးလိုမျိုး
ငါ့အသက်က တစ်ရက်ထပ်တိုးပြန်ပြီ...။

သုဏော်စိုင်း
၂၀၀၇ ခံစားမှုရှင်းတမ်းကဗျာစာအုပ်မှ

အဖွင့်

တစ်စုံတစ်ယောက်ရဲ့အမိန့် ကို
နာခံနေရသလို၊ သတိဆွဲထားရသလို
ဖြစ်နေတဲ့ဆိတ်ငြိမ်ခြင်းကို
ကားဘီးပွတ်သံက ကြိတ်ဝါးလိုက်တယ်၊
ဝေသီမှုန်ဝါးပျောက်ကွယ်တော့မဲ့ အမှောင်နဲ့ 
ကြေးစည်သံတစ်ချက်နောက်မှာ
ခြေသံရှပ်ရှပ်နဲ့  ဖန်ရည်ဆိုးများရွေ့ လျားလာကြ။
မကြားရတာကြာပြီဖြစ်တဲ့
အုန်းမောင်းခေါက်သံ "တောက်။ တောက်"
ခုလည်းပျောက်နေတုန်း
အလင်းနဲ့ အပူကိုပေးမဲ့သူဟာလည်း

အင်္ကျီအသစ်နဲ့ 
ငှက်တွေဟာလည်း သီချင်းအသစ်ကို ထိုးဆိတ်လို့ 
ပန်းတွေကလည်း သူတို့ ရင်ကို အစွမ်းကုန်ဇွင့်ပြီး
ရနံ့ တွေကို ခါထုတ်လိုက်လေရဲ့ 
လက်ဝယ်ပိုင်ပိုင်ရလာတော့မဲ့
အနာဂတ်
မင်္ဂလာပါလို့ နှုတ်ခွန်းမဆက်ခင်
ဆွမ်း၊ ဆီမီး၊ ရေကြည်တော်တွေနဲ့ 
ဖဲကြိုးဖြတ်တယ်။ ။

သုဏော်စိုင်း

ခေါင်မိုးမလုံလို့ ကျတဲ့ရေ

တိမ်တို့ ရဲ့စားကျက်မှာ
မီးပန်းခက်နွယ်တွေ ဆင်မြန်းထားပြီး
အိမ်ကြိုအိမ်ကြားအနှံ့  တိုက်တဲ့လေက အနီရောင်
မိုးကြိုးစွယ်တွေ လက်ခနဲပေါ်လေတဲ့
အပြုံးနဲ့ 
သစ်ပင်အိုတို့ ရဲ့ ကတုန်ကယင်ယိမ်းနွဲ့ မှု
သွေးပျက်ကြောက်ရွံ့ မှုပါပြီး
သက်ရင့်ရွယ်အိုတို့ ရဲ့ မကြုံစဖူး
အံ့သြမှု ဒီနှစ်ခုကြားမှာ
ညီမျှခြင်းတစ်ခုရှိသည်။
အတောင်မစုံသေးသူတို့ ရဲ့ အသိုက်ထဲမှ
ငိုညည်းသံများ
ရင်ခွင်ပိုက်ထားတဲ့ ကလေးတို့ အဖေကို
မျှော်နေတဲ့ မျက်လုံးတွေဟာ
မျက်ရည်စတွေ တ၀က်၊တစက်
"ဒီမိုး၊ဒီလေနဲ့ ဆို အိမ်ပြန်လာဖို့ ကောင်းလှပြီ အစ်ကိုရယ်..."
အက်စစ်မိုးရည်စက်ပြောက်ကြားမှာ
သစ်ကိုင်းကျိုးသံနဲ့ သစ်ပင်ပြိုသံပါတယ်...
တိရစ္ဆာန်အော်သံနဲ့ လူခေါ်သံပါတယ်...
အိမ်ပြိုသံနဲ့  လှိုင်းရိုက်သံပါတယ်...
အလဲအပြို၊အပျက်အစီးနဲ့ အတိမ်းအမှောက်တွေထဲ
ပြေးရင်းလွှားရင်းနဲ့ ဖေးမ
ဖေးရင်းမရင်းနဲ့ ပြေးလွှား
မပြေးလွှားနိုင်တော့ဘဲ ဖေးမ
မဖေးမနိုင်တော့ဘဲ ပြေးလွှား
အပြေးအလွှားပါပဲ ထွက်သွားပါပြီ။
သက်ရင့်သစ်ပင်တွေရော
သက်နုသစ်ပင်တွေပါ ကြိတ်ဝါးပြီး
ထွက်သွားပါပြီ။
အိမ်တွေ၊အသိုက်တွေ
ကျောင်း၊ ကန်၊ ဇရပ်တွေကို
ချိုးခြေပြီး ထွက်သွားပါပြီ။
တိရစ္ဆာန်တွေကို ဗိုက်ပူနံကား
တုံးလုံးပက်လက် သဏ္ဍာန်အမျိုးမျိုးနဲ့ 
အသက်ဓာတ်နှုတ်ပြီး ထွက်သွားပါပြီ။
တံငါသည်ယောင်္ကျားရဲ့ အလောင်းပြန်ရနိုင်ကောင်းပါရဲ့
ဆိုတဲ့မျှော်လင့်ချက်နဲ့  အိမ်သူသက်ထားရဲ့
အလောင်းကိုထားခဲ့ပြီး ထွက်သွားပါပြီ။
မတ်တပ်မရပ်နိုင်သေးတဲ့ခလေးကို
သစ်ပင်ဂွကြား အလောင်းအဖြစ်နဲ့ ထားပြီး
ထွက်သွားပါပြီ။
လယ်မြေတွေကို ပင်လယ်ရေတိုက်ပြီး
ထွက်သွားပါပြီ။
လှည်းနေလှေအောင်း မြင်းဇောင်းမကျန်
အမြစ်ပါလှန်ပြီး ထွက်သွားပါပြီ။
မိသားစုဆိုတဲ့ အသိုက်အမြုံကို
သေကွဲရော ရှင်ကွဲပါ ခွဲပြီး ထွက်သွားပါပြီ။
အသက်နဲ့ ခန္ဓာတွဲလျက်ရှိသူတွေအတွက်
ငိုချင်းရှည်တစ်ပုဒ်ကို နှုတ်တိုက်ချပေးပြီး
ထွက်သွားပါပြီ။
မထင်မှတ်တဲ့ထောင့်ချိုးမှာ
လိမ္မော်သီးထဲက သွေးထွက်ပြီးနောက်
သူ ရောက်လာပြီး
ထွက်သွားပါပြီ။ ။

သုဏော်စိုင်း (၂/၃၊၅၊၂၀၀၉) နာဂစ်မုန်တိုင်း ၁နှစ်ပြည့်အတွက် မှတ်မှတ်ရရ...