ပထ၀ီ
သက်ရှိဖြစ်စေ/သက်မဲ့ဖြစ်စေ
အဖိုဓါတ်အမဓါတ်ရှိကိုရှိရမည်
အဖိုဖြစ်ခြင်း/ အမဖြစ်ခြင်းဖြစ်ကိုဖြစ်ရမည် ။
မီးရေလေမြေပေါင်းစပ်ခြင်းကြောင့်
ပေါ်ပေါက်လာရသောအကျိုးတရားအကြောင်းတရား
သက်ရှိသည် ဒြပ်ရှိ၊သက်မဲ့သည် စွမ်းအင်တစ်မျိုး
အဖိုစွမ်းအင်/အမစွမ်းအင်ရှိကိုရှိရမည်။
မြေကြီးထဲထွက်လာကြတဲ့သူတွေမဟုတ်ပေမယ့်
ငါတို့တတွေ
မြေကြီးထဲကို ၀င်ဖို့ အခွင့်အခါကိုစောင့်နေကြတယ်။
ဒီမြေပေါ်မှာပဲကြီးပြင်း
ဒီမြေပေါ်မှပဲထွန်ယက်
ဒီမြေပေါ်မှာပဲ စိုက်ပျိုး
ဒီမြေပေါ်မှာပဲရိတ်သိမ်း ရင်းကနေ
ဒီမြေပေါ်မှာပဲ အငြိုးတေးတွေထားလို့
ဒီမြေပေါ်မှာပဲ အမုန်းတရားတွေပွားကြပြန်တယ်
ဒီမြေပေါ်မှာပဲသံယောဇဉ်တွေများပြီး
ဒီမြေပေါ်မှာပဲ အသားအရောင်တွေကွဲခြား
ဒီမြေပေါ်မှာပဲ အဆင့်အတန်းတွေခွဲခြားရင်း
ဒီမြေပေါ်မှာပဲအနိုင်ထက်စီးနင်းပြုကျင့်ကြပြန်တယ်
ဒီမြေပေါ်မှာကျွန်စနစ်စတင်
ဒီမြေပေါ်မှာပဲ ပဒေသရာဇ်စနစ်ဖြစ်တည်
ဒီမြေပေါ်မှာပဲကုသိုလ်တွေဖန်တီး
ဒီမြေပေါ်မှာပဲ အကုသိုလ်တွေမွေးဖွား
ဒီမြေပေါ်မှာပဲ စစ်ပွဲတွေ မဖြစ်ဖြစ်အောင်ဆင်နွဲ
ဒီမြေပေါ်မှာ တစ်ယောက်နဲ့တစ်ယောက်သတ်ဖြတ်
ဒီမြေပေါ်မှာပဲငြိမ်းချမ်းရေးတွေရယူကြပြန်တယ်
ဒီမြေပေါ်မှာပဲ ပက်ကြားအက်အိပ်မက်ဆိုးတွေထပ်တလဲလဲမက်
ဒီမြေပေါ်မှာပဲလူ့တန်ဖိုးလူ့ယဉ်ကျေးမှုတွေထွက်ပေါ်
ဒီမြေပေါ်မှာပဲဟန်ဆောင်လိမ်ညာမှုတွေအသက်ဆက်
ဒီမြေပေါ်မှာပဲအတုတွေနဲ့အစစ်တွေရောနှော
ဒီမြေပေါ်မှာပဲအမှားနဲ့အမှန်ကိုနံပါတ်စဉ်တွေပြောင်းတပ်
ဒီမြေပေါ်မှာပဲအယူဝါဒတွေဂိုဏ်းဂဏတွေစွဲ
ဒီမြေပေါ်မှာပဲဘာသာရေးတွေမေ့ကိုယ်ချင်းစာတရားတွေပျောက်
ဒီမြေပေါ်မှာပဲမာယာကော့စကီးဘောင်းဘီဝတ်မိုးတိမ်ရေးခဲ့တယ်
ဒီမြေပေါ်မှာပဲအလက်ဇန္ဒား ပွတ်ရှကင်ပလေတိုရာဘင်ဒြာနတ်တဂိုးဖြစ်ခဲ့တယ်
ဒီမြေပေါ်မှာပဲ မြို့မငြိမ်းရဲ့သီချင်းတွေပေါ်ခဲ့တယ်
ဒီမြေပေါ်မှာပဲ ဒဂုန်တာရာ ဖြစ်ခဲ့တယ်
ဒီမြေပေါ်မှာပဲ မောင်ချောနွယ်ဖြစ်ခဲ့တယ်
ဒီမြေပေါ်မှာပဲကဗျာတွေ ဖြစ်တည်ခဲ့တယ်
ဒီမြေပေါ်မှာပဲ ငါတို့ရပ်တည်ခဲ့ကြတယ်
ဒီမြေပေါ်မှာပဲမြေကြီးထဲပြန်ဝင်ဖို့အချိန်တွေစောင့်ရင်း
ဒီမြေပေါ်မှာပဲ.........ဒီမြေပေါ်မှာပဲ
ဒီ......မြေ.....ပေါ်.....မှာ....ပဲ
ဒီ
မြေ
ပေါ်
မှာ
ပဲ
လွတ်မြောက်ရာလမ်းစဉ်ရှာဖွေတူးဆွရင်း
ဒီ
မြေ
ပေါ်
မှာ
ပဲ ။ ။
အမည်မဲ့ (သတိရတိုင်းခဏခဏထုတ်ကြည့်လို့ရတယ်)
တေဇော
ပထ၀ီမြေကြီးပေါ် ဘယ်ညာပွတ်တီးနေတဲ့ မီး
ရင်ရင်ခြင်းခတ် မျက်ဝန်းမှာ အာပေါမီးထွက်
ဟင်းကနဲဆင်း သက်ပြင်း
ဆန်လေ၀ါယောမီး
နာမ်မီးဖွဲလောင်ကျ
ဗျာပါတ
ဘောပင် ၊ လက်
စာရွက် ၊ မှင်ထိပ်
နှာခေါင်း ၊ ရှိုက်လေ
သွေး ၊ သွေးကြော
ရှင်သန်မှု ၊ လောကဓံ
ဟင်းလင်းပြင် ၊ ဒြပ်
ဘုံ ၃၁ ပူတိုက်လှုပ်ရွ
ဖဿ ပစ္စယာ ဝေဒနာ
ပရမတ္တလျှောက် အပူရောင်
မောဟလျှောက် တဏှာကောင်
မွေးလမ်းကြောင်းက အပူကောင်
ဒေါသထမ်းပြေး တဏှာရောင်
ပုံပြောဆဲ ၂၀၁၀ မီး
ရွာထဲက ဖယောင်းတိုင်မီး
ဘယ်လိုစောင်းစောင်း ဆောင်းဟာ နေထွက်ဆဲ
သမိုင်းဟာ စစ်မီးတွေကလွဲပြီး ဘယ်စာရွက်မှ ပိုမလာဘူး
အမာရွတ်မပါတဲ့ သူရဲကောင်းကြီး အာဏာရှင် ၂၂
ရေမီး ၊ လေမီး ၊ နေမီး
ဇီဝမီး ၊ အေးမီး ၊ ပူမီး
အနုမြူမီး ၊ မီးတကာမီး
ဘယ်မီး ၀မ်းမီးမမှီနိုင်
နိုင်ထက်စား သတ္တ၀ါများစုပေါင်း
ဂရုဏာရှင်များ နှစ်ပတ်လည်... ခိုးရာပါပစ္စည်းများ လောင်းလှူပွဲ
ကလက်တက်တက် ပါတီပွဲတက်
Punk သီချင်းသံနဲ့ ခေါင်းကွဲပြန်တဲ့ ရှိုးပွဲ
သင်္ကြန်ခါဦး အရေးပေါ်ရွှင်မြူး
ဆိတ်ငြိမ်ရာ လောင်
ဆိတ်ကွယ်ရာ လောင်
နှစ်ဦးတည်းလောင်သော တည်းခိုခန်း
Sectionကြေး ၇၀၀၀ထောင် အခွန်ဆောင်
စာရိတ္တမဲ့မိဘများလင်းတဲ့ နောက်မီး၊ရှေ့ မီး HIV သားသမီး
တဦးတည်းလောင်သော စိတ္တဇ
ငရဲဘုံမှာ ပိုကာပွဲ
ဘုရားဒကာကြီးဆွဲတဲ့ ၈ချပ်တွဲကြီး ဂျိုကာဖဲ
စိတ်သွား ရုပ်လောင်
ရုပ်သွား စိတ်လောင်
မင်းကိုငါချစ်တယ်
နှလုံးသဲက ချစ်ဘုရားပွဲ မီးလောင်
အူဝမ်းထဲမှာ ၀ီစကီ မီးလောင်
ရွှေပြည်စိုး မီးလောင် ၊ Red Ruby မီးလောင်
ရတနာပုံဈေး မီးလောင် ၊ ကြောင်အိမ်ထဲ မီးလောင်
ဒုတိယကမ္ဘာစစ် ဘောက်ကျ
ဟီရိုရှီးမား မီးသွေးခေါင်းလျှော်ရည်
ဘေးထိုင်ဘိုင်ကျ Man U ကွ
ဘုရား၊တရား၊သံဃာ နှစ်လုံးခြင်းဆွဲသွားသော အိမ်သူများ
ချစ်တီးပွဲစား သမီးကလေး ဆွဲသွား
South East Asia ဆူနာမီ
သဘာဝနဂါးကြီးလက်ထဲက ဧရာဝတီမင်းသမီးလေး နာဂစ်နှင့်
NGO မင်းသားလေး ရိုမန်တစ်
မယုံကြနဲ့ 
ဂေါ်ဂေါ်ဂွီ အလင်းပေးနေသည်
သွေးထိုးနေသည်
ဂေါ်ဂေါ်ဂွီ အမှန်တရားပြောနေသည်
ရှက်တတ်ရင် လဲသေဖို့ ကောင်းတယ်
ဟ ဟ
ဟ ဟ
အလုပ်မရှိပဲ အိမ်ထောင်ပြုနိုင်ရေး တို့ အရေး
ဆင်းရဲသားတော်လှန်မှုမပါပဲ တရားမျှတသော လူ့ အဖွဲ့ အစည်းတည်ထောင်ရေး တို့ အရေး
လျှပ်စစ်ဓါတ်အသုံးမပြုသော ပြည်တွင်းဖြစ် လူအသုံးအဆောင်ပစ္စည်းများ ထုတ်လုပ်ရေး တို့ အရေး
သီလ ၊ သမာဓိ ၊ ပညာ မပါပဲ ပုထုဇဉ်နိဗ္ဗာန် ရောက်ရေး တို့ အရေး
အစိမ်းရောင်ကမ္ဘာကြီးအား အဖြူရောင်အနွေးထည်ခြုံရေး တို့ အရေး
လျှောကျခြင်း ၊ မြင့်တက်ခြင်းမပါပဲ လောကဓံ ထမင်းမှန်မှန်စားရေး တို့ အရေး
၂၀၁၂ နေကိုးစင်းထွက် ၊ ၂၀၁၃ လကိုးစင်းထွက် ၊ ၂၀၁၄ စကြာဝဌာတိုက်တစ်သောင်း တိုးတက်ရေး တို့ အရေး
နဂါးငွေ့ တန်း ၊ ဥက္ကာခဲ ၊ကြယ် ၊ နေ ၊ လ ၊ ကမ္ဘာ ရုပ်အဖွဲ့ အစည်းမပါသော နာမ်လူသားကမ္ဘာကြီး တည်ထောင်ရေး တို့ အရေး
အစရှိသည်ဖြင့် ၊ ချစ်သူ အနိစ္စ
etc ၊ ရန်သူ ဒုက္ခ
အစရှိသည်ဖြင့် ၊ သတ္တ၀ါ အနတ္တ
ဒြပ် ၊ ရုပ် ၊ သုသာန် ၊ ကြေးစည် ၊ မျက်ရည်
မာကျော ပျော့ပျောင်း
စီးမျော ဖြည့်စွက်
ရွေ့ လျား တွန်းတိုက်
ပူအေး လောင်ခဲ
ဟောဒီက ကောက်ညှင်းပေါင်း ပူပူလေး ရမယ်
ဘူတာရုံတေးသွား
ရေသန့် ဘူးလေး ပစ်ချပေးပါ ခင်ဗျာ
လေမရှိဘီးကြီးနဲ့  လယ်ကွင်းထဲက ထော်လာဂျီ
တေဇော မှ ပထ၀ီ
တေဇော မှ ၀ါယော
တေဇော မှ အာပေါ
တေဇော မှ တေဇာ
ရထားလား ရထားလား
ရရင် အကြောင်းပြန်
ဒါပဲ
အနော်မာ
၃.၁.၂၀၁၀ ( ၃နာရီ ၁၅ မိနစ် )
အာပေါ
ခု ရေတွင်းတူး ၊ ခု ရေကြည်သောက်ဖို့
ရေကြည်ရာ မြက်နုရာ ၊ ရှာနေတဲ့ကောင် ။
ဘာမှလည်း ရေရေရာရာ မရှိ ။
ရေမရှိတဲ့ ချောင်းမှာ ၊ ဘာဖော်ပြီး
သေမယ်ဆိုလား ။ ရေမှုတ်တစ်ဖက် ။
မီးတုတ်တစ်ဖက်နဲ့ ၊ အော်နေလိုက်တာများ ။
" ရေလိုတယ် .... ရေလိုတယ် ... "
ပြီးတော့ ၊ ပုဝါမကူ ရေမရှူကြေး ဆိုပြီး
ရေပက်မ၀င် ၊ ပြောနေသေးတယ် ။
မင်းလိုသာဆို ၊ ရေပုံးနှစ်လုံးရှိရင်
ထမင်း မငတ်ဘူး ။ ငါ့လိုသာဆို
ရေသောက် ၊ ဗိုက်မှောက် ၊ ကဗျာရေးနေလည်း
ဖြစ်တယ် ။ ဟော ... ။ နားထောင် .... ။
" အင်္ဂါဂြိုဟ်ပေါ်မှာ ရေတွေ့  ပြီ ... "
ဘာများလဲလို့ ၊ အင်္ဂါဂြိဟ်ပေါ်က ရေမှာလည်း
ဟိုက်ဒရိုဂျင်နှစ်လုံး ၊ အောက်ဆီဂျင်တစ်လုံး ။
အပိုပါတာ မှတ်လို့ ။ လူတွေကိုက မဟုတ်တာ ။
သူ့ ဟာသူ နေတဲ့ ရေကို တံဆိပ်ကပ်လို ကပ် ။
ရေစေး တဲ့ ၊ ရေနောက် တဲ့ ။
ရေသေ တဲ့ ၊ ရေရှင် တဲ့ ။
ဒါနဲ့ ရေမှာ အရောင် ရှိလား ။
နေမကောင်းရင် ရေစိမ်းတွေ မသောက်နဲ့လေ ။
( ရေကျက်အေး သောက်တဲ့လူတွေ နေကောင်းကြတယ် ။ )
" ကန်တော်ကြီးက ရေထဲ .. ငါ ခုန်ဆင်းလိုက်တာနဲ့
ကြယ်တွေ ထကကြတာ ... ဘာသဘောလဲ .. "
အမိမဲ့သား ပေမယ့် ၊ ရေနည်းငါး မဟုတ်တဲ့
ငါလိုကောင် ။ ရေလည်း မခပ်ဘူး ။
ထင်းလည်း မခွေဘူး ။ ရေရေရာရာ မရှိ
တဲ့ ၊ ဘ၀မှာ ၊ မရေမရာနဲ့ ။
ပြောချင်တာက ၊ ရေတွင်းပျက်ထဲ ခုန်ချ
သွားတဲ့ ၊ ရေသောက်မြစ်အကြောင်း ။
အသက်ရှင်ဖို့  ၊ ရေ မလိုဘူး ။
အသက်ရှင်ဖို့  ၊ အသက်ပဲ လိုတယ် ။
" ရေအသက် တစ်မနက် "
သွားစမ်း ... ။ ထွေလီကာလီတွေ ။
ရေတွေ စီး/စေး တယ် ။
ရေတွေ ကျဉ်း/ကျင်း တယ် ။
ရေတွေ ပြာ/ပျာ တယ် ။
ရေနက်ထဲ မသွားနဲ့ ။
မင်းတစ်ကိုယ်လုံး ၊ မည်း (မဲ) ကုန်မယ် ။
" မဲ ကုန်ပြီ ၊ မဲ ကုန်ပြီ "
ကောင်းတာပေါ့ ။
နားလှည့် ပါးရိုက်မယ့်ကောင်ကို
ထောက် ၊ ထောက်ပြီး ၊ ခံနေစရာ မလိုတော့ဘူး ။
--
ဆူးခက်မင်း
ဝါယော
ကျွန်တော် အလိုရှိနေတဲ့သူက
အမှတ်တမဲ့ကြည့်ရင်
ကောလဟာလနဲ့ တူတယ်
ထိုင်နေရင် ပွယောင်းငြီးစီနေပြီး
ထသွားတဲ့အခါ အရပ်ထဲ ဟိုစပ်စပ် ဒီစပ်စပ်
အကြိုအကြားအနှံ့ 
အရူးဗုံမြှောက်သလို မြူးခုန်ပေါက်တဲ့ပုံစံ
ငိုမလိုမျက်နှာပေးနဲ့ 
စနေထောင့်က ပြေးထွက်လာတဲ့ပုံစံ
သဇင်တွေကို နှင်းနဲ့ ပက်ဖို့ 
မြောက်ဘက်အရပ်ကနေ ပြန်လာတဲ့ပုံစံ
မူပိုင်ခွင့်တင်ထားတဲ့ ဟန်တွေပဲပေါ့
အလင်္ကာဆင်ပြီး ပြောရရင်
ကြင်သာကြင်ပြီး မမြင်ရတဲ့ ဘ၀
ရှင့်သတင်းတွေ ကျွန်မကြားပါတယ်
လေ
တိုင်ထိပ်မှာ အလံနဲ့့တွဲပြီးကတယ်တဲ့
သူများမင်္ဂလာယူချိန်မှာ
ပူဖောင်းထဲဝင် ဇောက်ထိုးဆွဲပြတယ်တဲ့
ဖြတ်သွားတဲ့ကားနောက်မှာ
ဖုန်မှုန့် တွေနဲ့ တရုန်းရုန်း
ကလေးဆန်ချင်ဆန်နေပြန်ရော
ဆံပင်တွေကို ဆွဲ ဖွ
စကက်တွေကို ဆွဲ မ တတ်သူက
ကြွပ်ကြွပ်အိတ်ဟောင်းကို
လမ်းတစ်ဖက် လိုက်ပို့ တယ်တဲ့
သစ်ရွက်တွေကို ငိုချင်လျက်လက်တို့ ပြီး
သံဝေဂတွေ ဘာတွေ ပြလို့ 
အရောင်မရှိ
အဆင်းမရှိ
မရှိတဲ့ထဲကနေမှ
အနီရောင်လေးက
ဖျက်လို ဖျက်ဆီး စိတ်ဓာတ်
အစိမ်းရောင်လေးက
မဆုံတာကြာသူတွေ စကားနာထိုးဖို့ နဲ့ 
မကျန်းမာသူတွေကို တားဆီးဖို့ အတွက်
ဤသို့ ဖြင့် ကျွဲ ဖြစ်ရလေသည်ပေါ့ကွာ
ငါ့ကိုယ်ထဲမှာ ငှက်တွေ ကူးခတ်ကြ
ရနံ့ တွေက ငါ့ကို ခိုစီးပြီး
အသံတွေက ငါ့ကို တွန်းထိုးကြ
မုန်တိုင်းကျသလို ပြေးသွားရင်
ငါ့ ကို အပြစ်မြင်ကြ
မီးလောင်တဲ့အနား ရောက်သွားရင်
ငါကပဲ အချွန်နဲ့  မ သလိုနဲ့ 
တကယ်တော့
ဒါဟာ သင့်ရဲ့ 
မုန်လာဥ အကွက်တွေပဲပေါ့
ဖန်လုံအိမ်က ဆွဲလို့ 
အပျိုရည်ပြဲခဲ့တာက လွဲရင်
ကဗျာဆရာလို ကဗျာလို
အရေးတယူလည်း
သိပ်မရှိကြပါဘူးလေ။ ။
သုဏော်စိုင်း